Dɛn Na Wobɛyɛ De Asiesie Wo Ho Ama Nkaedi No?

Efi saa afe yi rekɔ no, yebenya bere pii de asiesie yɛn ho ama Kristo wu Nkaedi no. Sɛ Nkaedi da no si Dwoda kosi Fida a, yɛrenyɛ Abrabɔ Ne Asɛnka Adesua saa nnawɔtwe no. Afei nso, sɛ Nkaedi da no si Memeneda anaa Kwasida a, baguam ɔkasa ne Ɔwɛn-Aban Adesua no remma so. Bere a yɛanya yi, wode bɛyɛ adwuma yiye anaa? Edu afahyɛ titiriw yi so a, ebehia sɛ yɛyɛ nhyehyɛe pa sɛnea tete Kristofo no yɛe no. (Lu 22:7-13; km 3/15 1) Nanso ɛsɛ sɛ yɛn nyinaa siesie yɛn koma. Yɛbɛyɛ dɛn ayɛ saa?

• Dwinnwen nea enti a worekɔ Nkaedi no ho.​—1Ko 11:23-26

• Bɔ mpae na dwinnwen sɛnea wo ne Yehowa ntam te no ho.​—1Ko 11:27-29; 2Ko 13:5

• Kenkan kyerɛwnsɛm a ɛkyerɛkyerɛ nea enti a ɛsɛ sɛ yɛkae Yesu Kristo wu no, na dwinnwen ho.​—Yoh 3:16; 15:13

Nea adawurubɔfo bi yɛ ne sɛ, Nkaedi Bible akenkan a ɛba Kyerɛwnsɛm No Mu a Wobɛhwehwɛ Daa mu no, wɔkenkan dwinnwen ho. Ebinom nso kenkan Bible kyerɛwnsɛm a ɛwɔ nnaka a ɛwɔ ase ha yi no. Ne nyinaa mu no, ebinom san kenkan Nkaedi no ne ɔdɔ a Yehowa ne Yesu ada no adi akyerɛ yɛn no ho nsɛm a ɛwɔ Ɔwɛn-Aban ahorow mu no. Nkaedi ho nsɛm biara a wobɛpaw sɛ wobɛkenkan no, yegye di sɛ ɛbɛboa wo ama woabɛn Yehowa ne ne Ba no kɛse.