Adwuma a Yɛyɛ De Boa Wɔn a Wɔakɔ Ahokyere Mu No, Sɛnea Aboa Yɛn Nuanom Kristofo a Wɔwɔ Caribbean

Sɛnea afeha a edi kan mu Kristofo yɛe no, ɛnnɛ nso yɛanya hokwan a yɛde bɛkyerɛ sɛ yɛdɔ yɛn mfɛfo Kristofo a atoyerɛnkyɛm nti wɔakɔ ahokyere mu no. (Yoh 13:34, 35) Hwɛ video a yɛato din Wɔdaa Ɔdɔ Kann Adi—Wɔde Mmoa Mae Wɔ Nsupɔw So no, na wubehu sɛnea Kristofo yɛɛ nneɛma bi de boaa wɔn nuanom a wɔtete Caribbean nsupɔw so no. Wuwie a, bua nsɛmmisa a edidi so yi:

• Bere a ahum a wɔato din Irma ne Maria tui wɔ Caribbean no, ɛkaa yɛn nuanom a wɔwɔ hɔ no sɛn?

• Ɔkwan bɛn so na Yehowa faa yɛn mfɛfo Kristofo so boaa yɛn nuanom a wɔwɔ Caribbean no?

• Bere a anuanom daa ɔdɔ ne ayamye adi kyerɛɛ wɔn nuanom a wɔakɔ ahokyere mu no, ɛkaa anuanom a wɔakɔ ahokyere mu no sɛn?

• Anuanom dodow ahe na wɔatu wɔn ho ama reboa anuanom a ahum no nti wɔn ho akyere wɔn wɔ Caribbean nsupɔw so no?

• Dɛn na yɛn nyinaa betumi ayɛ de aboa wɔn a atoyerɛnkyɛm nti wɔakɔ ahokyere mu no?

• Bere a wohwɛɛ video yi, na wuhuu sɛnea ahyehyɛde a wowom no mufo dodɔ wɔn ho wɔn ho no, ɛkaa wo sɛn?