“Ná Asase Sofo Nyinaa Ka Kasa Baako”

11:1-4, 6-9

Tete no, Yehowa maa nnipa asoɔdenfo a na wɔwɔ Babel no kasa yɛ basaa. Wei ma wɔbɔ hwetee. Nanso ɛnnɛ, ɔreboaboa nnipakuw kɛse a wofi aman ne kasa nyinaa mu ano ama wɔaka “kasa kronn,” sɛnea ɛbɛyɛ a wɔbɛbɔ “Yehowa din na wɔde mmati koro asom no.” (Sef 3:9; Adi 7:9) Dɛn ne “kasa kronn no?” Ɛno ne nokware a ɛfa Yehowa ne n’atirimpɔw ho a wɔaka ho asɛm wɔ Kyerɛwnsɛm no mu no.

Sɛ obi resua kasa foforo a, ɛnyɛ nsɛmfua foforo kɛkɛ na ɔkyere gu ne tirim, mmom, sɛnea osusuw nneɛma ho anaa odwen nneɛma ho sesa. Yɛn nso, bere a yegu so resua kasa kronn a ɛfa nokware no ho no, ɛsesa sɛnea yedwen anaa ɛma yenya adwensakra. (Ro 12:2) Wei mma prɛko pɛ, mmom ɛba nkakrankakra, na ɛboa ma Onyankopɔn nkurɔfo kɔ so yɛ baako.—1Ko 1:10.