Nea Yebetumi Aka Wɔ Asɛnka Mu

●○○ NSRAHWƐ A EDI KAN

Asɛmmisa: Ná Yesu yɛ onipa bɛn?

Kyerɛwsɛm: Mt 16:16

Nsrahwɛ a Edi Hɔ: Dɛn nti na Yesu wui?

○●○ SANKƆHWƐ A EDI KAN

Asɛmmisa: Dɛn nti na Yesu wui?

Kyerɛwsɛm: Mt 20:28

Nsrahwɛ a Edi Hɔ: Dɛn na yɛbɛyɛ de akyerɛ sɛ yɛn ani sɔ Yesu afɔre no?

○○● SANKƆHWƐ A ƐTO SO MMIENU

Asɛmmisa: Dɛn na yɛbɛyɛ de akyerɛ sɛ yɛn ani sɔ Yesu afɔre no?

Kyerɛwsɛm: Yoh 17:3

Nsrahwɛ a Edi Hɔ: Dɛn na ɛkɔ so wɔ Yehowa Adansefo nhyiam ase?

NKAEDI HO ƆSATU (March 14–April 7):

“Yɛrebɛyɛ dwumadi titiriw bi a yɛde bɛkae Yesu wu no. Nnipa ɔpepem pii bɛba bi. Yɛpɛ sɛ yɛto nsa frɛ wo ma woba bi.” Fa nsato krataa no ma no. “Baabi a yɛbɛyɛ no wɔ yɛn mpɔtam ha, ne bere a yɛde bɛyɛ no, sɛ wohwɛ krataa yi so a, wubehu. Aka nnawɔtwe ama saa dwumadi yi adu so no, yɛbɛma ɔkasa titiriw bi. Ɛno nso, yɛpɛ sɛ yɛto nsa frɛ wo.”

Onipa No Kyerɛ Ho Anigye a, Nea Wobɛka: Dɛn nti na Yesu wui?