Nea Enti a Na Wɔbɔ Afɔre Ahorow

1:3; 2:1, 12; 3:1

Ná Mose Mmara no hwehwɛ sɛ Israelfo bɔ afɔre ma Yehowa. Afɔre a na wɔbɔ no, na egyina hɔ ma Yesu agyede afɔre no anaa mfaso a nnipa benya afi saa afɔre no so.—Heb 8:3-5; 9:9; 10:5-10.

• Mmoa a na wɔde bɔ afɔre no, na ɛsɛ sɛ wɔyɛ mmoa a wɔte apɔw na dɛm biara nni wɔn ho. Saa ara na Yesu nipadua a ɔde bɔɔ afɔre no, na ɛyɛ pɛ, na na dɛm biara nni ho.—1Pe 1:18, 19; hwɛ mfoni a ɛwɔ nhomawa no anim

• Ɔhyew afɔre a na wɔbɔ no, na wɔhyew aboa no nyinaa, wonnyaw ne fã biara. Saa ara na Yesu nso de ho nyinaa maa Yehowa

• Sɛ obi bɔ asomdwoe afɔre a, na ɛkyerɛ sɛ ɔne Onyankopɔn ntam yɛ papa. Wɔn a wɔasra wɔn no nso, Awurade Anwummeduan a wodi no kyerɛ sɛ wɔne Onyankopɔn ntam yɛ papa