Kɔ So Tete W’adwene

Wɔn a wotu mmirika no, sɛ wobetumi akɔ so atu mmirika no yiye a, ɛsɛ sɛ daa wɔteɛteɛ wɔn apɔw mu. Yɛn nso, sɛ yebetumi asusuw nneɛma ho yiye na yɛasisi gyinae pa a, ɛsɛ sɛ yɛkɔ so ara tete yɛn adwene. (Heb 5:14) Ɛwom, ɛtɔ da na yɛresi gyinae bi a, ɛyɛ a yɛpɛ sɛ yɛhwɛ nea afoforo ayɛ na yɛn nso yɛyɛ bi. Nanso ɛsɛ sɛ yesua sɛ yɛbɛtete yɛn adwene na yɛatumi de asi gyinae. Adɛn nti na ehia sɛ yɛyɛ saa? Efisɛ gyinae a yebesi biara, yebebu ho akontaa akyerɛ Onyankopɔn.—Ro 14:12.

Ɛnsɛ sɛ yenya adwene sɛ, esiane sɛ yɛbɔɔ asu akyɛ nti, gyinae a yebesi biara yɛ papa. Sɛ yebetumi asisi gyinae pa a, ɛsɛ sɛ yɛde yɛn ho to Yehowa so, yesua n’Asɛm, na yɛde akwankyerɛ biara a n’ahyehyɛde no de bɛma yɛn no yɛ adwuma.—Yos 1:7, 8; Mme 3:5, 6; Mt 24:45.

HWƐ VIDEO A YƐATO DIN “MUNKURA AHONIM PA MU” NO. WUWIE A, BUA NSƐMMISA A EDIDI SO YI:

• 

  Tebea bɛn na Emma kɔɔ mu a na ɛsɛ sɛ osi gyinae?

• 

  Nsɛm a ɛsɛ sɛ obiara de n’ahonim si ho gyinae no, adɛn nti na ɛnsɛ sɛ yɛkyerɛ afoforo nea wɔnyɛ?

• 

  Afotu pa bɛn na awarefo bi de maa Emma?

• 

  Nsɛm a ɛboaa Emma ma osii gyinae pa no, onya fii he?