Fa Adwempa Sua Ade

Sɛ yɛrebesua ade a, yebetumi abisa yɛn ho sɛ, ‘Dɛn na mepɛ sɛ misua?’ Nanso ɛsɛ sɛ yɛhwɛ yiye na biribi pɔtee bi a yɛpɛ sɛ yesua nti, nneɛma foforo a Yehowa pɛ sɛ ɔkyerɛ yɛn no, yɛammu yɛn ani angu so. Sɛ yɛresua ade a, yɛbɛyɛ dɛn ama kwan ma Yehowa akyerɛkyerɛ yɛn?

Bɔ mpae hwehwɛ nyansa. Bɔ Yehowa mpae sɛ ɔmmoa wo na te nea ɔpɛ sɛ wusua no saa bere no ase. (Yak. 1:5) Mfa w’adwene nsi nea wunim dedaw no nko ara so.—Mmeb. 3:​5, 6.

Ma tumi a ɛwɔ Bible mu no nyɛ wo mu adwuma. “Onyankopɔn asɛm wɔ nkwa.” (Heb. 4:12) Bere biara a yɛbɛkan Bible no, yebetumi asua biribi foforo na aboa yɛn wɔ akwan horow so wɔ yɛn asetena mu. Nanso sɛ wei bɛyɛ yiye a, gye sɛ yegye nea Onyankopɔn pɛ sɛ ɔkyerɛ yɛn no tom.

Nsa Yehowa aduan mu. Yehowa ma yɛn “aduan pa.” (Yes. 25:6) Aduan a ɛyɛ wo sɛ ɛrenyɛ wo dɛ no, hwɛ na woanyiyi amfi mu. Nea Onyankopɔn de ma yɛn no, sɛ wudi ne nyinaa bi a, ɛbɛboa wo na w’ani nso begye ho paa!