BIBLE TUMI SESA NNIPA

Wɔn Nsa Kaa Ahweneɛ a Ne Bo Yɛ Den No

Yesu kyerɛkyerɛe sɛ, Onyankopɔn Ahenni beyi nnipa haw nyinaa afi hɔ. (Mateo 6:10) Wohwɛ Mateo 13:44-46 a, ɔmaa mfatoho mmienu a edidi so yi de kyerɛe sɛ, nokware a ɛfa Onyankopɔn Ahenni no ho no, ɛsom bo paa:

Mfoni: Mmarima mmienu a ɛwɔ Yesu mfatoho no mu. 1. Ɔbarima bi retutu fam wɔ afuw bi mu, na wahu biribi ama ne ho adwiriw no. 2. Ɔbarima foforo nso kura abohene bi wɔ ne nsam, na wohwɛ n’anim a, wuhu sɛ, n’ani agye.

Ná papa bi reyɛ adwuma wɔ afuw mu, ɛnna okopuee agyapade bi a wɔde asie so.
Oguadini bi a otu kwan kɔhwehwɛ abohene kohuu abohene bi a ne bo yɛ den.

Mmarima mmienu no nyinaa de anigye kɔtɔn nea wɔwɔ nyinaa sɛnea ɛbɛyɛ a wɔn nsa bɛka agyapade a wɔakohu no. Saa mmarima yi gyina hɔ ma nnipa a Ahenni no som bo ma wɔn no. Wɔde nneɛma akɛseakɛse bɔ afɔre, sɛnea ɛbɛyɛ a nhyira a Ahenni no de ma nnipa no, wɔn nso benya bi. (Luka 18:29, 30) Video yi mu no, wubehu nnipa mmienu bi a wɔn asɛm te sɛ mmarima a wɔwɔ Yesu mfatoho no mu no.