Mowɔ Mmea Asɛmpakafo Anaa?

Aane. Yehowa Adansefo nyinaa yɛ asɛmpakafo, na wɔn mu mmea mpempem pii no nso ka ho. Sɛnea Bible hyɛɛ nkɔm no, “mmea a wɔka asɛmpa no yɛ asafodɔm kɛse.”​—Dwom 68:11.

Yehowa Adansefo mmea suasua mmea a Bible ka wɔn ho asɛm no. (Mmebusɛm 31:​10-​31) Wontumi nyɛ mpanyimfo wɔ asafo no mu, nanso wɔyɛ asɛnka adwuma no denneennen. Wɔkyerɛkyerɛ wɔn mma nso ma wɔde Bible bɔ wɔn bra. (Mmebusɛm 1:8) Adansefo mmea nam wɔn kasa ne wɔn nneyɛe so twa sa pa ma afoforo di akyi.​—Tito 2:​3-5.