Ase Hɔ Asɛm

b Ɛsɛ sɛ wɔn a mmonnaato nti na wɔahwere wɔn baabunyɛ no nya awerɛkyekye esiane nim a wonim sɛ Onyankopɔn da so araa bu wɔn sɛ “nnipa a wonnunu wɔn, na wɔyɛ kronn” nti. (Filipifo 2:15) Obiara a ɔbɔɔ aguaman ansa na ɔrebenya Bible nnyinasosɛm ho nimdeɛ no nso betumi anya awerɛkyekye saa ara wɔ nim a wonim sɛ Yesu ogye afɔre no mu gyidi a wɔwɔ no nti ‘wɔaguare wɔn, atew wɔn ho wɔ Onyankopɔn ani so. (1 Korintofo 6:11) Kristoni a wabɔ aguaman nanso ofi koma nyinaa mu nu ne ho na ɔyɛ nsakrae no nso betumi anya gyinabea pa wɔ Onyankopɔn anim. Ahokafo a wɔwɔ ɔdɔ ne ntease pa no taa fi wɔn pɛ mu da fafiri adi wɔ saa tebea horow yi mu.