Ase Hɔ Asɛm

a Sɛ́ nhwɛso biako no, The Pentateuch and Haftorahs a Ɔbenfo J. Hertz hwɛ teɛteɛɛ emu nsɛm so no kyerɛ sɛ: “Sɛnea Lev. 17:15 kyerɛ no, ka a Israelni anaa ɔhɔho de ne nsa bɛka nevelah anaasɛ obedi no ma ne ho gu fĩ. Wɔ Lev[iticus], no, ‘ɔhɔho’ no kyerɛ obi a ɔnyɛ Israelni a wabɛdan Israelni koraa, nea wɔfrɛ no ger tzedek. Ɛha [wɔ Deuteronomium 14:21] no ‘ɔhɔho a ɔwɔ wo kurow apon mu’ no kyerɛ bere a Israelfo bedu wɔn Asase no so a ɛnyɛ nnipa a wɔabɛdan Israelfo nko na wɔne wɔn bɛtra na mmom nnipa a bere a wɔagyae abosonsom no wɔremfa Israelfo asetra ne nyamesom kwan so no. Rabifo no frɛɛ saa ahɔho kuw yi ger toshavs na [Deuteronomium 14:21] fa saa kuw a wɔnyɛ Israelfo fi awo mu anaa wɔn a wɔadan abɛyɛ bi anaa nea ɛte saa no ho.” Ɔkwan foforo so no, nhoma yi kyerɛkyerɛ mu sɛ ‘ɔhɔho’ a wɔka ne ho asɛm wɔ Leviticus 17:15 no yɛ “obi a wabɛdan Israelni koraa, . . . ɛnte saa a anka wɔremmara no sɛ onnni.”