Ase Hɔ Asɛm

a Na Donatsom yɛ “Kristosom” kuw bi a wɔtraa ase wɔ afeha a ɛto so anan ne anum Y.B. mu. Na emufo gye di sɛ ɔsomfo no abrabɔ na ɛma adommenade no yɛ nea ɛfata, na ɛsɛ sɛ asɔre no tu obiara a ɔyɛ bɔne a anibere wom no. Na Ariussom yɛ “Kristosom” kuw bi a wɔtraa ase wɔ afeha a ɛto so anan no mu a na wonnye ntom sɛ Yesu Kristo yɛ onyame. Arius kyerɛkyerɛe sɛ wɔanwo Onyankopɔn na onni mfiase. Na esiane sɛ wɔwoo Ɔba no nti, ontumi nyɛ Onyankopɔn te sɛ Agya no. Ɔba no nyɛ obi a onni mfiase, na mmom Agya no pɛ nti na ɔbɔɔ no na ɔte ase.