Ase Hɔ Asɛm

a Kristofo binom a wɔyɛ adwuma wɔ ayaresabea ahorow agye bere asusuw saa asɛm a ɛfa tumi ho yi ho. Oduruyɛfo wɔ tumi sɛ ɔkyerɛ aduru anaa aduruyɛ ho nyansahyɛ a ɛsɛ sɛ ɔyarefo de di dwuma. Sɛ anhaw ɔyarefo no mpo a, ɔkwan bɛn so na oduruyɛfo Kristoni a ɔwɔ tumi no betumi de mogya ama obi anaa watu nyinsɛn agu, bere a onim nea Bible ka wɔ nsɛm a ɛte saa ho? Nea ɛne no bɔ abira no, ɔyarehwɛfo a ɔyɛ adwuma wɔ ayaresabea no rentumi nnya tumi a ɛte saa. Bere a ɔreyɛ ne nnwuma a wɔde ahyɛ ne nsa no, oduruyɛfo bi betumi de akwankyerɛ ama no sɛ ɔnyɛ obi mogya mu nhwehwɛmu esiane atirimpɔw bi nti, anaasɛ, ɔnhwɛ obi a ɔrebetu nyinsɛn agu. Nea ɛne nhwɛso a wɔakyerɛw wɔ 2 Ahene 5:17-19 hyia no, obetumi aka sɛ esiane sɛ ɛnyɛ ɔno na ɔhwɛ mogya a wɔde ma anaa nyinsɛn a wotu gu so nti, obetumi ayɛ ɔyarefo no ho adwuma. Nanso, ɛho da so ara hia sɛ osusuw n’ahonim ho, sɛnea ɛbɛma ‘ɔde ahonim pa nyinaa abɔ ne bra wɔ Onyankopɔn anim.’—Asomafo no Nnwuma 23:1.