Ase Hɔ Asɛm

a Bere a Yehowa Adansefo ka Onyankopɔn Ahenni ho asɛm no, wɔmfa wɔn ho nhyehyɛ amammuisɛm mu anaasɛ wɔnkanyan atuatew ntia wiase nniso ahorow no, wɔ nsase a wɔabara Adansefo no anaasɛ wɔtaa wɔn mpo so. (Tito 3:1) Mmom no, wɔbɔ mmɔden sɛ wɔbɛyɛ honhom fam mmoa a mfaso wɔ so na ennyina amammuisɛm so wɔ ɔkwan a Yesu ne n’afeha a edi kan mu asuafo no yɛe so. Adansefo no bɔ mmɔden sɛ wɔbɛboa nnipa komapafo a wɔwɔ wɔn mpɔtam no ma wɔanya Bible gyinapɛn ahorow a ɛfata, te sɛ abusua mu dɔ, nokwaredi, abrabɔ fam ahotew, ne adwuma ho su pa. Ne titiriw no, wɔbɔ mmɔden kyerɛkyerɛ wɔn sɛnea wobedi Bible nnyinasosɛm ahorow akyi na wɔde wɔn ho ato Onyankopɔn Ahenni so sɛ adesamma anidaso koro pɛ.