Ase Hɔ Asɛm

a Ansa na ɔman anidan reba Russia wɔ October, afe 1917 mu no, na Julia kalenda a wiase mfa nyɛ adwuma bio no na Russiafo di akyi nanso na aman afoforo de Gregory kalenda no mmom na edi dwuma. Wɔ afe 1917 mu no, na Julia kalenda no aka akyi nnafua 13. Russia man anidan no akyi no, Sovietfo no nyinaa fii ase de Gregory kalenda no bɛyɛɛ adwuma maa Russia nso bɛyɛɛ sɛ wiase aman a aka no. Nanso sɛ na Ortodɔks Asɔre no bedi afahyɛ bi a, na wogyina Julia kalenda no so na ebu nna, na na wɔfrɛ no “Tete” kalenda kwan so adeyɛ. Enti ebia wobɛte sɛ Russiafo di Buronya January 7. Mma wo werɛ mmfi sɛ January 7 yɛ December 25 wɔ Julia kalenda so. Ɛno nti, Russiafo hyehyɛ wɔn afoofi bere no wɔ saa kwan yi so: December 25, Buronya da sɛnea wiase nyinaa di no; January 1, Afe Foforo; January 7, Ortodɔksfo Buronya da; January 14, Tete Afe Foforo Da.