-
Nkwa Yɛ Akyɛde—Kyerɛ Ho AnisɔWubetumi Anya Anigye Daa!—Nhoma a Yɛde Bɔ Bible Mu Nkɔmmɔ
-
-
5. Kyerɛ sɛ abofra a ɔhyɛ yafunu mu nkwa som bo ma wo
Dawid kyerɛw anwensɛm bi. Anwensɛm no mu no, ɔkaa sɛ abofra a ɔhyɛ yafunu mu nkwa som bo ma Yehowa. Monkenkan Dwom 139:13-17. Muwie a munsusuw asɛmmisa yi ho:
Yehowa ani so no, bere bɛn na obi nkwa fi ase—ɛyɛ da a ne maame nyinsɛn no, anaa da a wɔbɛwo no?
Mmara a Yehowa de maa tete Israelfo no, na ɛbɔ apemfo ne mmofra a wɔhyɛ yafunu mu no ho ban. Monkenkan Exodus 21:22, 23. Muwie a munsusuw nsɛmmisa yi ho:
Sɛ obi anhyɛ da na ɔyɛ biribi ma abofra a ɔhyɛ yafunu mu wu a, Yehowa hu onii no sɛn?
Sɛ obi hyɛ da kum abofra a ɔhyɛ yafunu mu a, Yehowa bɛte nka sɛn?b
Wohwɛ sɛnea abofra a ɔhyɛ yafunu mu nkwa som bo ma Onyankopɔn no a, ɛma wote nka sɛn?
Ɛtɔ da a, biribi betumi asi ama ɔpemfo a nkwa som bo ma no mpo anya adwene sɛ, nea adu no de, gye sɛ otu nyinsɛn no gu. Ɛba saa a, dɛn na ɔbɛyɛ? Monkenkan Yesaia 41:10. Muwie a munsusuw nsɛmmisa yi ho:
Sɛ afoforo tutu gu ɔpemfo bi asom sɛ, ontu ne nyinsɛn ngu a, hena na ɛsɛ sɛ ɔhwehwɛ mmoa fi ne hɔ? Adɛn ntia?
-
-
Nkwa Yɛ Akyɛde—Kyerɛ Ho AnisɔWubetumi Anya Anigye Daa!—Nhoma a Yɛde Bɔ Bible Mu Nkɔmmɔ
-
-
b Sɛ obi atu nyinsɛn agu pɛn a, ɛnsɛ sɛ obu ne ho fɔ dodo. Yehowa betumi de akyɛ no. Sɛ wohwɛ ɔfã a yɛato din Yɛ Nhwehwɛmu wɔ adesua yi mu a, wubehu asɛm a ɛne “Sɛ Obi Yi Nyinsɛn Gu a, Dɛn Na Bible Ka Fa Ho?” Kenkan saa asɛm no, na wubehu sɛnea Yehowa hu wɔn a wɔatu nyinsɛn agu pɛn no.
-