RUT buu nkotodwe wɔ atoko a wayɛ adwuma da mũ aboaboa ano no ho. Ná ɛrekɔ anwummere, enti na akuafo bebree fi afuw mu de wɔn ani akyerɛ Betlehem kurow a ɛda bepɔw so no. Yebetumi aka sɛ na Rut abrɛ efisɛ na wayɛ adwuma fi anɔpa abesi saa anwummere no. Nanso na onnyaee adwumayɛ, na okura abaa reboro atoko fi atoko nnua no ho. Ne nyinaa mu no, nneɛma kɔɔ yiye maa no saa da no a wanna annwen ho sɛ ɛbɛyɛ saa.

Bere a Rut boroo nnɔbae no wie boaboaa ano no, ohui sɛ wanya atoko efa susude biako anaa lita 22. Ná ɛbɛyɛ olonka ason! Ebetumi aba sɛ ɔde guu ntama mu kyekyere soae wɔ ne ti so kɔɔ Betlehem bere a esum reba no.—Rut 2:17.