Yerusalem ne Salomo Asɔrefie No

WƆFRƐƐ no “ahoɔfɛ a ewie pɛyɛ mu” ne “ɔhenkɛse kurow no.” (Dw. 48:2; 50:2; Kwa. 2:15) Ná Yerusalem ne Onyankopɔn man no ahenkurow. (Dw. 76:2) Bere a Dawid gyee kurow no fii Yebusifo nsam na ɔde yɛɛ n’ahenkurow no akyi na wɔbɛfrɛɛ no “Dawid kurow” anaa “Sion” tiawa.—2 Sam. 5:7.

Ɛwom sɛ Yerusalem nna baabi pa de, nanso egyee din esiane sɛ Onyankopɔn maa ne din traa hɔ nti. (Deut. 26:2) Na ɛyɛ ɔman no som ne ɛsodifo asoɛe.

Yerusalem da Yudea mmepɔw no mfinimfini na ɛwɔ soro mita 750. Bible ka ne “korɔn” ho asɛm na ɛka asomfo no ho asɛm sɛ ‘wɔforo’ kɔ mu, sɛnea mfitiase kasa a wɔde dii dwuma no kyerɛ no. (Dw. 48:2, NW; 122:3, 4) Ná abon atwa tete kurow no ho ahyia: Hinom Bon da atɔe ne anafo fam, na Kidron osubon no da apuei fam. (2 Ahe. 23:10; Yer. 31:40) Gihon nsuaniwaa a ɛwɔ Kidron Bon mu ne En-Rogel a ɛda anafo fam no ma wonyaa nsu pa, na na ɛho hia titiriw wɔ bere a atamfo de ntua aba wɔn so no.—2 Sam. 17:17.

Wɔayɛ Dawid Kurow no kɔla kɔkɔɔ wɔ mfonini a ɛwɔ kratafa 21 no so. Wɔ Dawid ne Salomo nniso mu no, kurow no trɛw kɔɔ atifi fam koduu Ofel (ahabammono) ne Bepɔw Moria (bruu) so. (2 Sam. 5:7-9; 24:16-25) Salomo sii asɔrefie kɛse bi maa Yehowa wɔ saa bepɔw no so. Yɛ asomfo pii a na wɔsen kɔ ‘Yehowa bepɔw’ no so kodi afe afe afahyɛ no ho mfonini wɔ w’adwenem hwɛ! (Sak. 8:3) Akwan a wɔayɛ ho mfonini wɔ kratafa 17 no na ɛmaa wotumi tutuu akwan a ɛte saa no.

Ná Salomo asɔrefie a wɔde sika kɔkɔɔ ne aboɔden abo asiesie no no yɛ adan a wɔasisi a ɛho ka sõ sen biara no mu biako. Nea ɛho hia sen saa no, Yehowa na ɔde ne nsusuwso no mae. Sɛnea wuhu wɔ mfonini no so no, na abangua akɛse ne adwumayɛ adan wɔ asɔrefie no ho. Ɛfata sɛ wusua ho nsɛm.—1 Ahe. 6:1–7:51; 1 Be. 28:11-19; Heb. 9:23, 24.

[Ase hɔ asɛm]

[Nsɛm a Wɔahyehyɛ/Mfonini wɔ kratafa 21]

(Wopɛ nsɛm a wɔahyehyɛ awie no a, hwɛ nhoma no mu)

Yerusalem/Salomo Asɔrefi

ASƆREFIE NO MPƆTAM WƆ SALOMO BERE SO

Asɔrefie No Afã Horow

1. Kronkron mu Kronkronbea

2. Kronkronbea

3. Abrannaa

4. Boas

5. Yakin

6. Kɔbere Afɔremuka

7. Ogu Po

8. Nsugye Nnaka

9. Mpiakyiri

10. Adidibea

11. Emu Fam Abangua

ASƆREFIE NO SIBERE

Bepɔw Moria

Adidibea

Nsugye Nnaka

Mpiakyiri

Kronkron mu Kronkronbea

Boas

Kronkronbea

Abrannaa

Kɔbere Afɔremuka

Yakin

Emu Fam Abangua

Nsugye Nnaka

Ogu Po

Ofel

Mprae So?

Nsu Pon?

DAWID KUROW

Bepɔw Sion

Dawid Ahemfie

Nsuaniwa Pon

Manase Ɔfasu?

Hananeel Abantenten

Mea Abantenten

Nguan Pon

Nneduadan Pon

Mprae So (Mifkad Pon)

Apɔnkɔ Pon

KIDRON BON

Akyi Fasu?

Gihon

Asase ase nsuka a wotuu akyiri yi

TYROPOEON BON

Sumina (Anwemfo) (Tiafi)

En-Rogel

Obon Pon

HINOM BON

Twea Pon

Afononoo Abantenten

Ɔfasu Tɛtrɛtɛ

Efraim Pon

Abangua Kɛse

Ɔpon Dedaw No

Atifi Fam Ɔfasu a Edi Kan

ƆFÃ A ƐTO SO ABIEN

Mpataa Pon

[Mfonini]

Ofel

Farao Babea Dan

Salomo Ahemfie

Lebanon Kwae Dan

Adum Abrannaa

Ahengua Abrannaa

Bepɔw Moria

Abangua Kɛse

Asɔrefie

[Mfonini wɔ kratafa 20]

Beae a na “Dawid kurow” no wɔ na ɛwɔ anim no. Ná asɔrefie no si beae a asase no da fam (akyiri hɔ)

[Mfonini wɔ kratafa 20]

Tete “Dawid Kurow” no ne Salomo asɔrefie no a wɔde kɔmputa ayɛ