8. Ahyehyɛde bɛn nkutoo na ɛwɔ daakye a ɛtra hɔ daa, na dɛn nti na eyi te saa?

⁸ Dɛn na eyi kyerɛ ma wɔn a wɔwɔ Yehowa ho osuro pa no? Ɛdɛn, ɛkyerɛ sɛ daakye biara nni hɔ mma wiase a ɛwɔ Satan tumi ase yi! Bere a ɛwɔ no reyɛ asa! Enti, Yehowa ahyehyɛde no nkutoo ne nea ɛsɛ sɛ yegyina so hyehyɛ daakye a ɛwɔ hɔ daa.

12. Sɛ́ Yehowa asomfo no, akwanhwɛ a ɛyɛ nwonwa bɛn na yɛwɔ, nanso dɛn na ɛho hia sɛ yɛyɛ?

¹² Sɛ nea ehia yɛn titiriw mprempren ne sɛ yɛbɛsɔ Onyankopɔn ani na yɛayɛ n’apɛde a, ɛnde yɛwɔ akwanhwɛ ahorow a ɛyɛ anigye ampa. (Dwom 40:8; Romafo 12:1, 2) Nokwarem, sɛ ‘yesuro Yehowa a, ɛnde daakye bi wɔ hɔ ma yɛn na wɔrentwa nea yɛn ani da so no nkyene.’ (Mmebusɛm 23:17, 18) Sɛ yɛkɔ so nantew “nkwa kwan” no so wɔ Onyankopɔn ho suro mu a, yebenya daa nkwa. (Dwom 16:11) Nanso, bere a yɛreyɛ saa no, ɛho hia sɛ yɛde teokrase botae horow a eye sisi yɛn anim na yedu ho.