24, 25. Ɔkwan bɛn so na Yehowa ka Kores ho asɛm bio, na nkɔmhyɛ foforo bɛn na eyi ma yɛkae?

²⁴ Yehowa ka Kores ho asɛm bio: “Mahwanyan obi afi benkum fam ma waba, awiapuebea na obefi abɔ me din; na ɔbɛba amradofo so sɛ anwemmo so, na ɔte sɛ ɔnwemfo a ɔwɔw dɔte.” (Yesaia 41:25)d Nea ɛnte sɛ amanaman no anyame no, Yehowa betumi ayɛ nneɛma. Sɛ ɔde Kores fi apuei “awiapuebea” ba a, Onyankopɔn bɛda ne tumi a ɔde hyɛ nkɔm no adi na afei wayɛ ma ne nkɔmhyɛ no abam daakye.

²⁵ Saa nsɛm yi kae yɛn ɔsomafo Yohane nkɔmhyɛ nsɛm a ɛfa ahene a wɔbɛhwanyan wɔn ma wɔayɛ ade wɔ yɛn bere yi so ho no. Wɔ Adiyisɛm 16:12 no, yɛkenkan sɛ wobesiesie “kwan ama ahene a wofi owia apuei nohɔ.” Saa ahene no nyɛ nkurɔfo biara sɛ Yehowa Nyankopɔn ne Yesu Kristo. Sɛnea Kores gyee Onyankopɔn nkurɔfo tete no, saa ahene a wɔwɔ tumi sen biara no bɛtɔre Yehowa atamfo ase na wɔabɔ ne nkurɔfo ho ban afa ahohiahia kɛse no mu akɔ trenee wiase foforo no mu.—Dwom 2:8, 9; 2 Petro 3:13; Adiyisɛm 7:14-17.