13. Henanom ne “mmabanin” ne “mmabea” no nnɛ, na henanom ne “amanaman ahode” no?

¹³ Wiase nyinaa ntrɛwmu a aba fi bere a Yehowa ‘bea’ no fii ase maa ne hann puee wiase yi sum mu no ho mfonini bɛn ara na Yesaia 60:4-9 yɛɛ no fann saa yi! Ɔsoro Sion “mmabanin” ne “mmabea” no, wɔn a wɔbɛyɛɛ Kristofo a wɔasra wɔn no, na wodii kan bae. Wɔ afe 1931 mu no, eyinom daa wɔn ho adi wɔ baguam sɛ Yehowa Adansefo. Afei ahobrɛasefo kuw, “amanaman ahode” ne “ɛpo ahonyade dodow” no de ntɛmpɛ bɛkaa Kristo nuanom nkaefo no ho.b Ɛnnɛ, Yehowa asomfo yi nyinaa a wofi wiase afanan nyinaa, na wɔn asetram nsɛm tebea gu ahorow no abɛka Nyankopɔn Israel ho reyi wɔn Amansan Hene, Yehowa, ayɛ, na wɔrema ne din so sɛ ɛne edin a ɛsen din biara wɔ amansan yi mu.