22. Nea ɛne nhyira a ɛbɛba anokwafo so bɔ abira no, dɛn na Yehowa akora so ama abɔnefo?

²² Yesaia asɛm no sesa bio. Ɔka sɛ, “Hwɛ” te sɛ nea ɔpɛ sɛ n’atiefo yɛ dinn tie no. “[Yehowa, “NW”] din fi akyirikyiri reba, n’abufuw redɛw, opumpun no yɛ duru, abohuru ayɛ n’anom ma, na ne tɛkrɛma te sɛ ogya a ɛhyew ade.” (Yesaia 30:27) Ebesi ha no, Yehowa atwe ne ho, na wama ne nkurɔfo atamfo ayɛ nea wɔn ankasa pɛ. Afei otwiw bɛn—te sɛ ɔprannaa a ɛrebom kurududu—bebu atɛn. “N’ahome te sɛ asu a eyiri bedu kɔn mu, na ɔde hunuyɛ sɔnee asɔn amanaman so, na ɔde ntwɛtwɛdɛwɔ nnareka ato aman anom.” (Yesaia 30:28) “Asu a eyiri” betwa Onyankopɔn nkurɔfo atamfo ho ahyia, na ‘ɔde sɔnee asɔn’ wɔn so koraa, na ɔde “nnareka” ato wɔn anom. Wɔbɛsɛe wɔn.

[Mfonini wɔ kratafa 312]

Yehowa de ‘abufuw ne omununkum a emu yɛ duru’ bɛba