¹⁸ “Na ɔhene hyew mmobɔwee ne nsɛm a Baruk kyerɛw fii Yeremia anom no, akyi no, Awurade [Yehowa] asɛm baa Yeremia nkyɛn sɛ: San fa mmobɔwee foforo, na kyerɛw kan nsɛm a ɛwɔ kan mmobɔwee no mu a Yuda hene Yehoiakim hyewee no nyinaa hyɛ mu. Na Yuda hene Yehoiakim ho na ka sɛ: Sɛ Awurade [Yehowa] se ni: Wo de, woahyew mmobɔwee yi aka sɛ: Ɛdɛn nti na wokyerɛw emu sɛ: Babel hene bɛba abɛsɛe asase yi, na watɔre ɛso nnipa ne mmoa ase? Ɛno nti sɛ Awurade [Yehowa] ka Yuda hene Yehoiakim ho ni: Ɔrennya obi a ɔbɛtra Dawid agua so, na ne funu nso, wɔbɛtow akyene, na ahohuru afa so awia, na awɔw afa so anadwo. Na ɔno ne n’asefo ne ne nkoa amumɔyɛ no, mɛba mabetua wɔn so ka, na wɔn ne Yerusalemfo ne Yuda mmarima so na mede bɔne a meka mitiaa wɔn na wɔantie no nyinaa bɛba.”​—Yer. 36:27-31.

¹⁸ “Na ɔhene hyew mmobɔwee ne nsɛm a Baruk kyerɛw fii Yeremia anom no, akyi no, Awurade [Yehowa] asɛm baa Yeremia nkyɛn sɛ: San fa mmobɔwee foforo, na kyerɛw kan nsɛm a ɛwɔ kan mmobɔwee no mu a Yuda hene Yehoiakim hyewee no nyinaa hyɛ mu. Na Yuda hene Yehoiakim ho na ka sɛ: Sɛ Awurade [Yehowa] se ni: Wo de, woahyew mmobɔwee yi aka sɛ: Ɛdɛn nti na wokyerɛw emu sɛ: Babel hene bɛba abɛsɛe asase yi, na watɔre ɛso nnipa ne mmoa ase? Ɛno nti sɛ Awurade [Yehowa] ka Yuda hene Yehoiakim ho ni: Ɔrennya obi a ɔbɛtra Dawid agua so, na ne funu nso, wɔbɛtow akyene, na ahohuru afa so awia, na awɔw afa so anadwo. Na ɔno ne n’asefo ne ne nkoa amumɔyɛ no, mɛba mabetua wɔn so ka, na wɔn ne Yerusalemfo ne Yuda mmarima so na mede bɔne a meka mitiaa wɔn na wɔantie no nyinaa bɛba.”​—Yer. 36:27-31.

20. Wosiee Yehoiakim dɛn wɔ ne wu mu, na so ne babarima Yehoiakin nyaa mmabarima bi ma wɔbɛtraa Yerusalem ahengua no so anaa?

²⁰ Sɛnea ɛyɛe no, Yehoiakim wuu animguase wu na wɔansie no wɔ Yerusalem ahene ada mu, na wosiee no te sɛ afurum. (Yer. 22:18, 19) Ne babarima Yehoiakin (anaasɛ Konia) dii hene asram abiɛsa ne nnafua 10 pɛ wɔ Yerusalem a ɔno nso de ne ho kɔhyɛɛ Babilonfo ase na wɔde no kɔɔ Babilon, a wansan amfi hɔ amma bio. (Yer. 22:24-30; 37:1) Ɛde besi Yerusalem a na wɔasan akyekye a Romanfo sɛee no 70 Y.B. mu no so no, Yuda hene Yehoiakin aseni biara antra ahengua so wɔ Yerusalem. Yeremia nkɔmhyɛ asɛm, a ɔkyerɛw no kokoam no, nyaa mmamu!