14-16. Sɛnea Habakuk 3:14, 15 kyerɛ no, dɛn na ɛbɛto Yehowa nkurɔfo ne wɔn atamfo?

¹⁴ Wɔ Harmagedon ko no mu no, wɔbɛma wɔn a wɔbɔ mmɔden sɛ wɔbɛsɛe ‘nea’ Yehowa ‘asra no’ no adwene atu afra. Sɛnea Habakuk 3:14, 15 kyerɛ no, odiyifo no ne Nyankopɔn kasa sɛ: “Wode mpɛmɛ hwirew n’akofo tirim, wotu sɛ ahum ba sɛ wɔrebɛbɔ me apete, wɔn anigye ne sɛ wɔbɛmene ɔbrɛfo ahintawee mu. Wode w’apɔnkɔ si po mu, nsu pii a ehuru no mu.”

¹⁶ Nanso, nneɛma pii wɔ hɔ a ɛbɛkɔ so. Afei Yehowa de ahonhom a wɔwɔ tumi sen nnipa bɛba abɛsɛe wɔn awie koraa. Bere a ɔde “apɔnkɔ” a wɔne ne soro asafo a Yesu Kristo di wɔn anim di dwuma no, ɔbɛkɔ n’anim akodi nkonim wɔ “po” ne “nsu pii a ehuru” mu, atamfo pii a wɔyɛ nnipa no mu. (Adiyisɛm 19:11-21) Wobeyi abɔnefo afi asase so saa bere no. Onyankopɔn atɛntrenee a ɔda no adi ɔkwan a tumi wom so bɛn ara ni!