Anisoadehu a Ɛhyɛ Gyidi Den

9:1-7

Bere a Yesu tee sɛ ne soro Agya reka sɛ wagye no atom wɔ ahosakra ho anisoadehu mu no, hwɛ sɛnea ɛbɛyɛ sɛ ɔtee nka. Ɛda adi sɛ wei hyɛɛ Yesu den na ɛma otumi gyinaa amanehunu a na ɛda n’anim no ano. Anisoadehu yi nyaa Petro, Yakobo, ne Yohane so tumi kɛse. Anokwa, na Yesu ne Mesia no, na na ɛfata sɛ wotiee no. Mfe 32 akyi mpo, na Petro da so ara kae osuahu yi, ne sɛnea ɛhyɛɛ gyidi a ɔwɔ wɔ “nkɔmhyɛsɛm” no mu den no.​—2Pe 1:16-19.

Ɛwom sɛ yɛn ankasa amfa yɛn ani anhu anisoadehu a ɛyɛ nwonwa yi de, nanso ne mmamu de, yɛn ani tua. Yesu da so ara redi ade sɛ Ɔhene a ɔwɔ tumi. Ɛrenkyɛ, “obewie ne nkonimdi koraa,” na abue kwan ama wiase foforo a trenee te mu aba.​—Adi 6:2.

Sɛn na Bible mu nkɔmhyɛ a woahu sɛ ɛreba mu no ahyɛ wo gyidi den?