• Boa Anuanom Mmea
    Ɔwɛn-Aban (Nea Adesua Nsɛm Wom)—2020 | September
    • Yesu te hɔ na ɔrekyerɛkyerɛ. Marta ne Maria te ne nan ase retie no. Mfoni: 1. Awarefo bi akɔsra onuawa bi a onyin ama wayɛ mmerɛw wɔ ne fie. Onua no ne onuawa no rekasa, na ne yere nso reyiyi gua a wɔakodi no agu hɔ. 2. Awarefo bi ne onuawa bi ne ne babea reyɛ abusua som. 3. Onua bi reboa anuanom mmea mmienu bi ama wɔasesa wɔn kar tae

      Sɛnea Yesu yɛe no, yebetumi ayɛ nneɛma bi de akyerɛ sɛ yedwen anuanom mmea ho Hwɛ nkyekyɛm 6-9)e

      6. Sɛnea Luka 10:38-42 kyerɛ no, sɛn na Yesu boaa Marta ne Maria?

      6 Yesu nyaa bere ne mmea a wɔsom Onyankopɔn no bɔe, na ɔne wɔn faa adamfo paa. Yɛnhwɛ ayɔnkofa a na ɛda ɔne Maria ne Marta ntam. Ɛbɛyɛ sɛ na mmea mmienu yi nyinaa nwaree. (Kenkan Luka 10:38-42.) Nsɛm a Yesu kae ne nea ɔyɛe maa mmea yi ho tɔɔ wɔn. Ná Maria nsuro sɛ ɔbɛtena Yesu nan ase atie ne nkyerɛkyerɛ.c Marta nso, na ɛhaw no sɛ Maria ammoa no, nanso anyɛ den amma no sɛ ɔbɛka ho asɛm akyerɛ Yesu. Saa bere no, Yesu boaa mmea yi ma wosuaa biribi titiriw. Afei nso, Yesu maa mmea yi ne wɔn nuabarima Lasaro hui sɛ odwen wɔn ho, enti ɛyɛ a na ɔkɔsra wɔn. (Yoh. 12:1-3) Bere a Lasaro yaree denneennen no, na Maria ne Marta nim sɛ wobetumi akɔ Yesu nkyɛn ama waboa wɔn.—Yoh. 11:3, 5.

  • Boa Anuanom Mmea
    Ɔwɛn-Aban (Nea Adesua Nsɛm Wom)—2020 | September

    • c Nhoma bi ka sɛ: “Ná asuafo tena wɔn akyerɛkyerɛfo nan ase. Asuafo a na wɔpɛ sɛ wɔbɛyɛ akyerɛkyerɛfo no, saa na na wɔyɛ. Ná wɔmfa saa hokwan yi mma mmea. . . . Sɛnea na Maria agyae aduannoa a na wosusuw sɛ ɛyɛ mmea adwuma na ɔte Yesu nan ase retie ne nkyerɛkyerɛ no, . . . na ɛbɛyɛ Yudafo mmarima dodow no ara nwonwa.”