• Tumi a Ɔde Siesie Ade—Yehowa ‘Reyɛ Nneɛma Nyinaa Foforo’
    Bɛn Yehowa

    • 3. Awerɛkyekyesɛm bɛn na ɛwɔ Asomafo Nnwuma 3:21, na ɛdɛn na Yehowa bɛfa so ama aba mu?

      3 Wei nti, sɛ yɛba behu sɛ Yehowa wɔ tumi a ɔde bɛyɛ ade nyinaa foforo a, ɛma yenya awerɛkyekye paa! Nea yɛrebesua wɔ ti yi mu no bɛma yɛahu sɛ Onyankopɔn wɔ tumi a ɔde bɛyɛ nneɛma pii ama yɛn, na ɔbɛyɛ nso. Bible aka mpo sɛ, Yehowa abɔ ne tirim sɛ ‘obesiesie nneɛma nyinaa.’ (Asomafo Nnwuma 3:21) Mesia Ahenni a Yehowa Ba Yesu Kristo di so no, ɛno na Yehowa de besiesie nneɛma nyinaa. Adanse a ɛwɔ hɔ no ma yehu sɛ Ahenni no fii ase dii tumi wɔ soro afe 1914.a (Mateo 24:3-14) Ɛdɛn na obesiesie anaa ɛdɛn na ɔbɛyɛ no foforo no? Ma yɛnhwɛ nneɛma akɛseakɛse a Yehowa bɛyɛ no foforo no bi. Saa nneɛma no baako de, yɛrekasa yi koraa wayɛ dedaw, na yɛwɔ mu bi mpo. Nea aka no de, daakye na Yehowa bɛyɛ no foforo ama nnipa nyinaa.

  • Tumi a Ɔde Siesie Ade—Yehowa ‘Reyɛ Nneɛma Nyinaa Foforo’
    Bɛn Yehowa

    • a Bere a Yehowa se ɔde ‘besiesie nneɛma nyinaa,’ anaa ɔde bɛyɛ nneɛma nyinaa foforo no, efii ase bere a ɔde Mesia Ahenni no sii hɔ na ɔde Ɔhene Dawid nokwafo no aseni sii ahengua so no. Ná Yehowa ahyɛ Dawid bɔ sɛ n’aseni na obedi ade afebɔɔ. (Dwom 89:35-37) Nanso, bere a Babilon sɛee Yerusalem afe 607 A.Y.B. no, Dawid aseni biara antena Onyankopɔn ahengua so bio wɔ asaase so. Wɔwoo Dawid aseni Yesu wɔ asaase so, na wɔde no sii ahengua so wɔ soro. Ɔno na ɔbɛyɛɛ Ɔhene a wɔhyɛɛ ne ho bɔ fi teteete no.