• “Onyankopɔn Nyiyi Nnipa Mu”
    ‘Di Onyankopɔn Ahenni Ho Adanse Fefeefe’

    • 1-3. Anisoadehu bɛn na Petro nyae, na adɛn nti na ehia sɛ yɛte ase?

      NÁ AKA kakra ama awɔwbere adu wɔ afe 36 Y.B. Ná Petro rebɔ mpae awiabere wɔ ɔdan bi atifi. Ná fie no bɛn mpoano wɔ Yopa, na na wadi nna kakra wɔ fie hɔ. Ɛhɔ a ɔtenae no ma yehu sɛ ɔkwan bi so no, na ɔnyɛ nnipa mu nyiyim, efisɛ na ofie no wura ne Simon a ɔhyɛ mmoa nhoma aduru, na na Yudafo dodow no ara renkɔ ɔbarima a ɔte saa fie da.a Ne nyinaa mu no, na Petro rebesua biribi titiriw bi a ɛbɛma wahu paa sɛ Yehowa nyiyi nnipa mu.

  • “Onyankopɔn Nyiyi Nnipa Mu”
    ‘Di Onyankopɔn Ahenni Ho Adanse Fefeefe’

    • a Ná Yudafo binom mmu wɔn a wɔhyɛ mmoa nhoma aduru, efisɛ na wɔn adwuma no ma wɔsuso mmoa nhoma, mmoa funu, ne nneɛma a ɛyɛ tan mu. Wɔn a wɔyɛ saa adwuma no, na nkurɔfo bu wɔn sɛ wɔmfata sɛ wɔkɔ asɔrefie, na na ɛnsɛ sɛ wɔyɛ wɔn adwuma no wɔ kurom. Anyɛ yiye koraa, na ɛsɛ sɛ ɔkwan a ɛda baabi a wɔyɛ adwuma no ne kurow no ntam no yɛ mita 20. Ebia ɛno ka ho bi na na Simon fie bɛn “mpoano” no.—Aso. 10:6.