• “Yehowa Asɛm Kɔɔ So Trɛwee”
    ‘Di Onyankopɔn Ahenni Ho Adanse Fefeefe’

    • 19, 20. (a) Adɛn nti na Yehowa twee Herode aso? (b) Sɛ yɛhwɛ ɔkwan a Herode Agripa faa so wui no a, adɛn nti na ɛma yɛn koma tɔ yɛn yam?

      19 Onyankopɔn na ɔfata anuonyam a ɛte saa, na na n’ani tua nea ɛrekɔ so no! Anka Herode betumi ayɛ ho biribi na asɛm anto no. Anka obetumi aka wɔn anim anaa wakyerɛ sɛ n’ani nnye nea wɔreyɛ no ho. Mmom no, ɔmaa abebusɛm yi bɛfaa ne ho: “Ahantan di ɔsɛe anim.” (Mmeb. 16:18) Enti “ɛhɔ ara na Yehowa bɔfo bɔɔ” ɔhene a ɔyɛ ahantan no, na owuu animguase wu. Herode ‘dɔɔ mmoawa, na owui.’ (Aso. 12:23) Josephus nso kaa sɛ, wɔbɔɔ Agripa mpofirim. Ɔde kaa ho sɛ, ɔhene no hui sɛ nsɛm a nkurɔfo no de hoahoaa no a ogye toom no nti na na ɔrewu. Josephus kyerɛwee sɛ Agripa daa hɔ nnanum ansa na ɔrewu.b

  • “Yehowa Asɛm Kɔɔ So Trɛwee”
    ‘Di Onyankopɔn Ahenni Ho Adanse Fefeefe’

    • b Oduruyɛfo bi kyerɛwee sɛ ebetumi aba sɛ mmoawa a Josephus ne Luka kaa ho asɛm no yɛ asunson a wɔsiw ɔhene no nsono mu kwan ma owui. Sɛ asunson a ɛte saa ba obi yam a, otumi fe wɔn fa n’anom anaa wɔpuepue fi ne nipadua mu bere a wawu no. Nhoma bi ka sɛ: “Ɔkwan a oduruyɛfo Luka faa so kyerɛkyerɛɛ nneɛma mu no ma yehu sɛ na [Herode] wu no bɛyɛ ahometew paa.”