2. Ɔkwan bɛn na ɛsɛ sɛ yɛfa so som Yehowa?

Yehowa na ɔbɔɔ yɛn, enti ɛsɛ sɛ yɛsom ɔno nko ara. (Adiyisɛm 4:11) Wei kyerɛ sɛ, ɛsɛ sɛ yɛdɔ no, na ɛnsɛ sɛ yɛsom obiara ka ne ho. Enti ahoni oo, mfoni oo, ɛnsɛ sɛ yɛkotow emu biara na yɛka sɛ yɛde resom Onyankopɔn.—Kenkan Yesaia 42:8.

Ɛsɛ sɛ ɔsom a yɛde ma Yehowa no ‘yɛ kronn, na ɛsɔ n’ani.’ (Romafo 12:1) Wei kyerɛ sɛ, ɛsɛ sɛ yɛde ne mmara nsɛm bɔ yɛn bra. Ɛho nhwɛso ne sɛ, nea Yehowa aka afa aware ho no, wɔn a wɔdɔ no no de yɛ adwuma. Afei nso, nneɛma bi a ebetumi asɛe wɔn apɔwmuden te sɛ sigaret, tawa, ne asabow no, wɔtwe wɔn ho fi ho.a

3. Hwɛ w’apɔwmuden yiye

Kristofo ahyɛ Yehowa bɔ sɛ, nea waka biara, wɔbɛyɛ. Ɛno nti biribiara a yɛyɛ wɔ yɛn asetena mu no, yɛbɔ mmɔden sɛ yɛbɛma asɔ Yehowa ani. Sɛ yɛbɛka a, ɛte sɛ nea yɛde yɛn nipadua abɔ afɔre ama Onyankopɔn. Monkenkan Romafo 12:1, 2. Muwie a munsusuw nsɛmmisa yi ho:

• Dɛn nti paa na ɛsɛ sɛ wohwɛ w’apɔwmuden yiye?

• Nneɛma bɛn na woyɛ a ɛkyerɛ sɛ worehwɛ w’apɔwmuden yiye?