-
Woyere Wo Ho Bɔ Asu a, Wubenya Nhyira!Wubetumi Anya Anigye Daa!—Nhoma a Yɛde Bɔ Bible Mu Nkɔmmɔ
-
-
3. Dɛn na ɛsɛ sɛ obi yɛ na watumi abɔ asu?
Sɛ wubetumi abɔ asu a, ɛsɛ sɛ wusua Yehowa ho ade na wunya ne mu gyidi. (Kenkan Hebrifo 11:6.) Bere a worehu Yehowa yiye na wo gyidi reyɛ den no, ɔdɔ a wowɔ ma no no nso bɛyɛ kɛse. Ɛba saa a, w’ani begye ho sɛ wobɛka ne ho asɛm akyerɛ afoforo, na wode ne mmara nsɛm abɔ wo bra. (2 Timoteo 4:2; 1 Yohane 5:3) Sɛ obi fi ase ‘nantew ɔkwampa so wɔ Yehowa anim na ɔyɛ nea ɛsɔ n’ani’ a, obetumi asi gyinae sɛ obehyira ne ho so ama Onyankopɔn na wabɔ asu.—Kolosefo 1:9, 10.a
-
-
Woyere Wo Ho Bɔ Asu a, Wubenya Nhyira!Wubetumi Anya Anigye Daa!—Nhoma a Yɛde Bɔ Bible Mu Nkɔmmɔ
-
-
a Yɛmfa no sɛ obi abɔ asu wɔ asɔre bi mu dedaw a, ɛho behia sɛ ɔsan bɔ asu bio anaa? Yiw. Adɛn ntia? Efisɛ asɔre a na onipa no wom no ankyerɛkyerɛ no nokwasɛm a ɛwɔ Bible no mu.—Hwɛ Asomafo Nnwuma 19:1-5 ne Adesua 13.
-
-
Woasiesie Wo Ho Sɛ Wobɛbɔ Asu Anaa?Wubetumi Anya Anigye Daa!—Nhoma a Yɛde Bɔ Bible Mu Nkɔmmɔ
-
-
1. Nimdeɛ dodow sɛn na wuhia na woatumi abɔ asu?
Ɛsɛ sɛ wunya “nokware no ho nimdeɛ a edi mu” ansa na woatumi abɔ asu. (1 Timoteo 2:4) Wei nkyerɛ sɛ, ɛsɛ sɛ wutumi yi Bible asɛmmisa biara ano ansa na woatumi abɔ asu. Kristofo a wɔabɔ asu akyɛ mpo, wɔkɔ so ara sua ade. (Kolosefo 1:9, 10) Nanso nkyerɛkyerɛ atitiriw a ɛwɔ Bible mu no de, ehia sɛ wote ase. Asafo mu mpanyimfo no bɛhwɛ sɛ, nimdeɛ a wuhia na woatumi abɔ asu no, woanya anaa.
-