Wo Ne Mmea Mpanyimfo Nni Sɛ Maamenom, Na Wo Ne Mmabaa Nni Sɛ Nua Mmea

Kyerɛwnsɛm no ka sɛ Kristofo a wɔn ani afi no, ɛsɛ sɛ yehu wɔn sɛ yɛn maamenom ne yɛn papanom. Wɔn a wɔyɛ mmerante ne mmabaa nso, ɛsɛ sɛ yɛne wɔn di te sɛ yɛn nuanom. (Kenkan 1 Timoteo 5:1, 2.) Ɛsɛ sɛ anuanom mmarima bɔ mmɔden paa sɛ wobedi anuanom mmea ni, na wɔkyerɛ sɛ wobu wɔn.

Ɛnsɛ sɛ onuabarima biara de ne ho hyehyɛ onuawa biara anaa ne nneyɛe ma onuawa biara a ɔbɛbɛn no no yɛ basaa. (Hio 31:1) Sɛ onuabarima bi mpɛ onuawa bi a, ɛnsɛ sɛ ɔyɛ nneɛma bi ma onya adwene sɛ n’ani gye ne ho. Ɔyɛ saa a, na ɔde ne koma redi agorɔ.

Asafo mu mpanyimfo nso, sɛ anuanom mmea fi obu mu bisa wɔn asɛm, anaa wɔtwe wɔn adwene si biribi so a, ɛsɛ sɛ wonya adagyew tie wɔn de kyerɛ sɛ wobu wɔn. Anuanom mmea a wonni kununom no, wonni obiara a ɔbɛbɔ wɔn ho ban, enti ɛsɛ sɛ mpanyimfo no ma wɔn ani kũ wɔn ho paa.—Ru 2:8, 9.

HWƐ VIDEO A YƐATO DIN KƆ SO DA ƆDƆ A ƐTO NTWA DA ADI WƆ ASAFO NO MU—KYERƐ AKUNAFO NE NNYANKA NO. WUWIE A, BUA NSƐMMISA A EDIDI SO YI:

• 

  Dɛn na asafo no mufo yɛ de daa ɔdɔ kann adi kyerɛɛ Onuawa Myint?

• 

  Ɔdɔ a anuanom daa no adi no, ɛkaa kurom hɔfo sɛn?

• 

  Ɔdɔ a anuanom daa no adi no, ɛkaa Onuawa Myint mma mmea no sɛn?

Anuanom mmea a wɔwɔ asafo no mu no, nneɛma bɛn na wubetumi ayɛ de akyerɛ sɛ wodɔ wɔn na wudwen wɔn ho?