18, 19. Kyerɛkyerɛ sɛnea Paulo nhoma a ɛto so abien a ɔkyerɛw Timoteo ne Petro nhoma a edi kan no kyerɛ sɛ ɛnyɛ wɔn a wɔwɔ anidaso sɛ wɔbɛtra ase daa no nyinaa na wɔne Kristo bɛyɛ ahene ne asɔfo wɔ ɔsoro no mu. (Adi. 5:9, 10)

¹⁸ Na so wɔn a wogye Kristo tom na wɔwɔ anidaso sɛ wɔbɛtra ase daa no nya “ɔfrɛ kronkron” a ɛde kɔ asetra a ɔporɔw nni mu mu wɔ ɔsoro anaa? Ɔrekyerɛ sɛ saa ɔfrɛ soronko yi wɔ hɔ ma nnipa dodow bi a ‘wɔapaw wɔn’ no, Paulo de ka ho sɛ: “Eyi nti metɔ me bo ase amane nyinaa mu, wɔn a wɔapaw wɔn no nti, na wɔn nso anya nkwagye a ɛwɔ Yesu Kristo mu no ne daa anuonyam. Nokwasɛm ni: na sɛ yɛne no wui a, yɛne no bɛtra ase nso; sɛ yehu amane tɔ yɛn bo ase a, yɛne no bedi hene.”​—2 Tim. 2:10-12.

¹⁹ Sɛ wɔfrɛ wɔn a wogye wɔn nkwa nyinaa kɔ “daa anuonyam” mu ma wɔne Yesu Kristo abom ‘adi hene’ a, henanom so na wobedi hene? Na sɛ wɔn nyinaa bɛyɛ “ahene asɔfokuw” a, henanom ho dwuma na wobedi sɛ ahene asɔfo?

22. 144,000 no fam no, wɔn anidaso a egyina Bible so no yɛ anidaso bɛn?

²² Kristofo a wɔde honhom asra wɔn 144,000 yi fam no, wɔn anidaso a egyina Bible so no yɛ ɔsoro de. Bere a wɔanya afa wɔ “owusɔre a edi kan” no mu no, “wɔbɛyɛ Onyankopɔn ne Kristo asɔfo, na wɔne no bedi ahene mfirihyia apem.”​—Adi. 20:6.