Nea Ɛkyerɛ sɛ Yɛyɛ Asuafo Ampa

1. Yɛbɛfa Kristofo kwan no so;

Ɛsɛ sɛ yenya onuadɔ.

Ɛno na Nyankopɔn ahyɛ yɛn;

Ɛky’rɛ sɛ yɛwɔ ɔdɔ pa.

Saa ɔdɔ yi bi na Kristo wɔ;

Ɔde ne ho bɔɔ afɔre.

Wayɛ nhwɛso sɛ yenni n’akyi;

Ɛky’rɛ sɛ yɛyɛ n’asuafo.

2. Ɔdɔ yi de, ɛto rentwa da.

Ɛwowaw wɔn a wɔayɛ mm’rɛw.

Momma yɛnky’rɛ ho anisɔ daa;

Yɛbɛda ɔdɔ adi daa.

Yentumi nnya nnamfo pa bi bio

A wɔwɔ dɔ saa baabiara.

Wɔn na yebegye wɔn adi kɛse;

Momma yɛmfa ɔdɔ kwan so.