“Onyankopɔn Ne Dɔ”

1. Nyankopɔn dɔ yɛn, ɔfrɛ yɛn

Sɛ yɛmfa ɔdɔ kwan so.

Yɔnkodɔ ne Nyankopɔn dɔ,

Bɛma yɛayɛ nneɛma pa.

Saa na ɛsɛ sɛ yɛbɔ bra;

Ɛno na yɛbɛyɛ daa.

Ɔdɔ yi na Kristo ky’rɛɛ yɛn.

Ɔdɔ yi tumi kasa.

2. Nyankopɔn dɔ twitwa gye yɛn;

Ɔde ne dɔ no boa yɛn.

Ɔdɔ ma yetu anammɔn;

Yɛde bɛboa obiara.

Ɔdɔ pa, ɛnyɛ ahoɔyaw;

Ne yam ye, ne bo nhaw no.

Momma yɛnkɔ so nnɔ yɛn nua.

Yebenya emu nhyira.

3. Mfa ɔtan nni w’anim da;

Ɛnsɛ sɛ edi wo so.

Ma Nyankopɔn nkyerɛ wo kwan;

Na di n’ahyɛde no so.

Nyankopɔn dɔ ne yɔnkodɔ,

Ɛno ne ɔdɔ pa no.

Momma obiara nhu yɛn dɔ.

Nyankopɔn dɔ te yɛn mu.