Hwehwɛ Wɔn a Wɔfata

1. Kristo ky’rɛɛ yɛn Ahenni asɛnka no,

Ɔmaa yɛn akwankyerɛ sɛ:

‘Monhwehwɛ wɔn a wɔpɛ Nyankopɔn som,

Wɔ baabiara a mobɛkɔ no.

Kyia fie hɔfo no, ka asomdwoe asɛm,

Ma wɔn a wɔfata asomdwoe.

Ebinom bɛpam wo adi wo ho fɛw.

P’row wo nan ase mfut’ru na kɔ.’

2. Wɔn a wɔtie wo no tie Nyankopɔn nso.

Yehowa bebue wɔn komam.

Wɔda no adi sɛ wɔpɛ nkwagye,

Enti wɔne wo nyinaa bɛsom.

Ɛnsɛ sɛ wudwen nea wobɛka ho pii,

Yehowa bɛboa ma woakasa.

Wo kasa yɛ dɛ na sɛ ɛma denhyɛ,

Ahobrɛasefo ani begye.