Abodwokyɛre

1. Yɛn Aw’rade Yehowa

Din kronkron no ho hia no paa.

Ofi ne komam pɛ sɛ

Oyi efĩ nyinaa fi ho.

Wada boasetɔ adi

Mfe mpempem bebree mu.

Ɔwɔ abodwokyɛre,

Na ɔremmrɛ nso da.

Ɔpɛ sɛ yɛn mu biara

Benya nkwagye kɛse no,

Enti n’abodwokyɛre,

Ɛso bɛba mfaso daa.

2. Abodwokyɛre ho hia

Na yɛatumi abɔ bra pa.

Ɛma akomatɔyam,

Ɛkwati abufuw bɔne.

Ɛnhwɛ afof’ro bɔne,

Ɛhwɛ wɔn ho adepa.

Ɛma yegyina pintinn

Wɔ ahohia b’re mu.

Honhom no tumi boa yɛn;

Etumi ma yenya su pa;

Abodwokyɛre boa yɛn

Ma yesuasua yɛn Nyankopɔn.