Gyinae Bɛn na Ɛsɛ sɛ Misi wɔ Mogya mu Nneɛma Nketenkete ne Aduruyɛ mu Akwan a Wɔfa so de M’ankasa Mogya Di Dwuma Wom Ho?

Fa Sie

Gyinae Bɛn na Ɛsɛ sɛ Misi wɔ Mogya mu Nneɛma Nketenkete ne Aduruyɛ mu Akwan a Wɔfa so de M’ankasa Mogya Di Dwuma Wom Ho?

Bible hyɛ Kristofo sɛ “wɔntwe wɔn ho mfi . . . mogya ho.” (Aso. 15:20) Enti Yehowa Adansefo nnye mogya anaa emu nneɛma atitiriw anan a ɛne mogya mu nkwammoaa kɔkɔɔ, mogya mu nkwammoaa fitaa, mogya mu nkwammoaa ntrantraa, ne mogya mu nsu. Wɔmfa wɔn mogya mma afoforo na saa ara nso na wɔntwe wɔn mogya nsie na akyiri yi wɔasan de ama wɔn.—Lev. 17:13, 14; Aso. 15:28, 29.

Dɛn ne mogya mu nneɛma nketenkete, na dɛn nti na ɛsɛ sɛ Kristoni biara si sɛnea ɔde bedi dwuma no ho gyinae?

Eyi yɛ ɔkwan bi a wɔfa so kyekyɛ mogya mu yiyi mu nneɛma nketenkete. Sɛ nhwɛso no, wobetumi akyekyɛ mogya mu nsu a ɛyɛ mogya mu nneɛma atitiriw anan no mu biako mu anya nea edidi so yi: nsu yɛ bɛyɛ 100 mu nkyem 91; ahoɔdennuru te sɛ albumins, globulins, ne fibrinogen yɛ bɛyɛ 100 mu nkyem 7; nneɛma afoforo te sɛ nnuannuru, nkwammoaa mu nnuru, mogya mu fĩ, ne nea ɛkeka ho yɛ bɛyɛ 100 mu nkyem 1.5.

So mogya mu nneɛma nketenkete nso ka ahyɛde a ɛne sɛ yɛntwe yɛn ho mfi mogya ho no ho? Yentumi nkyerɛ. Bible mfa mogya mu nneɛma nketenkete ho akwankyerɛ pɔtee mma. Nokwasɛm ne sɛ, wonya mogya mu nneɛma nketenkete fi nkurɔfo mogya a wɔatwe asi hɔ de yɛ aduru mu. Ɛsɛ sɛ Kristoni biara gyina n’ahonim so si gyinae sɛ ebia obegye nneɛma a ɛtete saa a wɔde yɛ aduru no anaasɛ ɔrennye.

Sɛ woresisi gyinae a ɛtete saa a, susuw nsɛmmisa a edidi so yi ho: So minim sɛ mogya mu nneɛma nketenkete a minnye no kyerɛ sɛ mɛpo nnuru bi te sɛ nea ɛko tia yare mmoawa ne nyarewa anaa nea ɛboa ma mogya da a wɔde twa mogya a etu obi no? So metumi akyerɛkyerɛ nea enti a minnye mogya mu nneɛma nketenkete bi anaa migye no mu akyerɛ oduruyɛfo?

Dɛn nti na ɛsɛ sɛ m’ankasa misi gyinae wɔ aduruyɛ mu akwan bi a wɔfa so de m’ankasa mogya di dwuma wom ho?

Ɛwom sɛ Kristofo mfa wɔn mogya mma afoforo na saa ara nso na wɔntwe wɔn mogya nsie na akyiri yi wɔasan de ama wɔn de, nanso wontumi nkyerɛ pefee sɛ akwan bi a wɔfa so twe obi mogya yɛ mu nhwehwɛmu no tia Bible mmara. Enti ɛsɛ sɛ Kristoni biara gyina n’ahonim so si gyinae sɛ ebia obegye akwan bi a wɔfa so de n’ankasa mogya di dwuma no atom anaasɛ ɔrennye ntom.

Sɛ woresisi gyinae a ɛtete saa a, bisa wo ho nsɛm a edidi so yi: Sɛ wɔbɛdan me mogya no bi ani afi me nipadua mu ma mpo ebia ɛrenkɔ so nni kyinhyia bere bi a, so m’ahonim bɛma mabu saa mogya yi sɛ ɛda so yɛ me nipadua fã, a enti enhia sɛ ‘wohwie gu fam’? (Deut. 12:23, 24) Sɛ wɔreyɛ me mu nhwehwɛmu anaa wɔresa me yare na wɔtwe me mogya, yɛ mu nsakrae, na wɔsan de ma me a, so m’ahonim a mede Bible atete no no bebu me fɔ? So minim sɛ aduruyɛ mu akwan nyinaa a wɔfa so de m’ankasa mogya di dwuma wom a minnye no kyerɛ sɛ mepo aduruyɛ bi te sɛ dialysis anaa heart-lung machine a wɔde di dwuma no? Mede mpaebɔ asusuw asɛm yi ho ansa na meresi ho gyinae?

Gyinae bɛn na m’ankasa mesisi?

Susuw nkrataa abien a ɛwɔ kratafa a edidi so no a wubegyina so akyerɛ nea wopɛ no ho. Krataa a Wubegyina so Apaw Nea Wopɛ 1 no bobɔ nneɛma nketenkete bi a wɔayiyi afi mogya mu no din ne sɛnea wɔtaa de di dwuma wɔ aduruyɛ mu. Kyerɛ nea w’ankasa wopɛ, sɛ ebia wubegye mogya mu nneɛma nketenkete yi bi anaasɛ worennye. Krataa a Wubegyina so Apaw Nea Wopɛ 2 no bobɔ akwan a wɔtaa fa so de w’ankasa mogya di dwuma wɔ aduruyɛ mu. Kyerɛ nea w’ankasa wopɛ, sɛ ebia wobɛpene sɛ wɔmfa saa kwan yi so anaasɛ worempene so. Saa nkrataa a wubegyina so apaw nea wopɛ yi nyɛ mmara kwan so nkrataa, nanso wubetumi agyina mmuae a wobɛma wɔ nkrataa yi so no so ahyehyɛ DPA (akwahosan sohwɛ tumi krataa) no.

Ɛsɛ sɛ w’ankasa na wusisi wo gyinae na ɛnyɛ obi na ɛsɛ sɛ woma osi gyinae ma wo. Saa ara nso na ɛnsɛ sɛ obiara kasa tia Kristoni foforo gyinaesi. Wɔ nsɛm a ɛtete saa mu no, “obiara bɛsoa n’ankasa adesoa.”—Gal. 6:4, 5.

[Ase hɔ nsɛm]

Wubenya ɛho nsɛm a ɛbɛboa wo wɔ June 15, 2004, Ɔwɛn-Aban, kratafa 29-31 no mu.

Wubenya ɛho nsɛm a ɛbɛboa wo wɔ October 15, 2000, Ɔwɛn-Aban, kratafa 30-31 no mu, ne Transfusion Alternative—Documentary Series—On DVD no.

KRATAA A WUBEGYINA SO APAW NEA WOPƐ 1

NEA KRISTOFO NNYE

GYINAE A W’ANKASA WUBESISI

MOGYA

MOGYA MU NNEƐMA NKETENKETE

Nea Ɛho Hia sɛ Wopaw

MOGYA MU NSU

ALBUMIN—ƐYƐ MOGYA MU NSU 100 MU NKYEM 4

Ɛyɛ ahoɔdennuru a wɔayi afi mogya mu nsu mu. Wonya albumin ahorow bi nso fi afifide mu, na wonya bi fi nnuan te sɛ nufusu ne nkesua, ne ɔbaatan nufusu mu. Ɛtɔ da bi a, wɔde albumin a wonya fi mogya mu no yɛ nnuru a wɔde si mogya ananmu de ma obi a ne mogya so atew koraa anaa wahyehyew. Albumin bɛyɛ 100 mu nkyem 25 na ɛwɔ nnuru a wɔde si mogya ananmu yi mu. Wɔde albumin kakraa bi fra nnuru ahorow pii mu, te sɛ nea wɔde yɛ erythropoietin (EPO) ahorow bi no.

____ Mepɛ albumin

anaa

____ Mempɛ albumin

IMMUNOGLOBULINS—ƐYƐ MOGYA MU NSU 100 MU NKYEM 3

Ɛyɛ ahoɔdennuru a wɔayi afi mogya mu nsu mu a wobetumi de afra nnuru bi de ako yare mmoawa ne nyarewa bi te sɛ menasekuru, asensen, mmerɛbo mu yare, ne rabies. Wobetumi nso de ama ɔpemfo de abɔ akokoaa a ɔda ne yafunu mu no ho ban afi nyarewa bi a ebetumi akum akokoaa no ho, na wɔde wɔ obi a ananse anaa ɔwɔ aka no paane na ne bɔre no amforo no.

____ Mepɛ immunoglobulins

anaa

____ Mempɛ immunoglobulins

CLOTTING FACTORS—ENNU MOGYA MU NSU 100 MU NKYEM 1

Ahoɔdennuru ahorow pii wɔ hɔ a ɛboa ma mogya da na atumi ama mogya a etu obi no atwa. Wɔde bi ma ayarefo a mogya taa tu wɔn. Wɔde yɛ nnuru a wɔde sɔw oprehyɛn kuru ano na sɛ wɔyɛ ɔyarefo bi oprehyɛn wie a, mogya antu no. Ade foforo a wotumi yɛ ne sɛ woyiyi mogya mu nsu mu ahoɔdennuru de yɛ nnuru a etumi ma mogya da. Hyɛ no Nsow: Nnansa yi, wotumi de nneɛma a mogya nnim yɛ nnuru a ɛma mogya da.

____ Mepɛ clotting factors a wɔde mogya ayɛ

anaa

____ Mempɛ clotting factors a wɔde mogya ayɛ

MOGYA MU NKWAMMOAA KƆKƆƆ

HEMOGLOBIN—ƐYƐ MOGYA MU NKWAMMOAA KƆKƆƆ 100 MU NKYEM 33 KƆKƆƆ

Ɛyɛ ahoɔdennuru a ɛma nipadua no nyinaa nya mframa a wɔfrɛ no carbon dioxide kɔ ahurututu no mu. Wotumi de nneɛma a wonya fi nnipa anaa mmoa hemoglobin mu no yɛ aduru ma ayarefo a wonni mogya koraa anaasɛ mogya pii atu wɔn.

____ Mepɛ hemoglobin

anaa

____ Mempɛ hemoglobin

HEMIN—ENNU MOGYA MU NKWAMMOAA KƆKƆƆ 100 MU NKYEM 2

Ɛyɛ aduannuru a wonya fi hemoglobin mu a wɔde sa mogya mu yare a wonya fi awo mu (a wɔfrɛ no porphyria) a anaa ɛka adidi nkwaadɔm, ehon nkwaadɔm, ne mogya nkwaadɔm no.

____ Mepɛ hemin

anaa

____ Mempɛ hemin

MOGYA MU

INTERFERONS—ƐYƐ MOGYA MU NKWAMMOAA NKWAMMOAA FITAA MU KETEKETE BI FITAA

Ɛyɛ ahoɔdennuru a ɛko tia yare a mmoawa de ba ne kokoram. Ɛnyɛ mogya mu na wonya interferons dodow no ara fi. Wɔde nneɛma nketenkete a woyiyi fi nnipa mogya mu nkwammoaa fitaa mu no yɛ bi.

____ Mepɛ interferons a wɔde mogya ayɛ

anaa

____ Mempɛ interferons a a wɔde mogya ayɛ

MOGYA MU NKWAMMOAA NTRANTRAA

Ɛde besi saa bere yi, wonyii nneɛma nketenkete biara mfii mogya mu nkwammoaa ntrantraa mu mfa nsaa yare.

KRATAA A WUBEGYINA SO APAW NEA WOPƐ 2

GYINAE A W’ANKASA WUBESISI
ADURUYƐ MU AKWAN A WƆFA SO DE W’ANKASA MOGYA DI DWUMA WOM
ADURUYƐ	DWUMA A EDI KÕ NO	Nea Ɛho Hia sɛ Wopaw (Ebia wobɛpɛ sɛ wo ne wo duruyɛfo no kasa ansa na woagye akwan a wɔfa so de w’ankasa mogya di dwuma yi bi atom.)
CELL SALVAGE	Ɛmma mogya ntu obi pii. Sɛ wɔreyɛ obi oprehyɛn a, wotumi sɔw mogya a efi kuru no mu no. Wɔsɔn so, na ebia atoa so asan aba ɔyarefo no mu	____ Mepɛ ____ Ebia m’ani begye ho ____ Mempɛ
HEMODILUTION	Ɛmma mogya ntu obi pii. Sɛ wɔreyɛ obi oprehyɛn a, wɔfa ɔkwan bi so dan mogya no ani kogu kotoku bi mu na wɔde nnuru a mogya nnim asi ananmu. Wɔnam eyi so fra mogya mu nkwammoaa kɔkɔɔ a aka wɔ ɔyarefo no nipadua mu no mu bere a wɔreyɛ oprehyɛn no. Sɛ wɔreyɛ oprehyɛn no anaasɛ wowie a, wɔde ne mogya a wɔdan ani fii ne nipadua mu no san ma no	____ Mepɛ ____ Ebia m’ani begye ho ____ Mempɛ
HEART-LUNG MACHINE	Eyi ma mogya kɔ so di kyinhyia. Wɔma mogya no kɔfa afiri wɔayɛ no sɛ koma anaa bi a ahurututu mu ma oxygen kɔ mu na asan aba ɔyarefo no mu.	____ Mepɛ ____ Ebia m’ani begye ho ____ Mempɛ
DIALYSIS	Ɛyɛ adwuma te sɛ nipadua akwaa. Wɔ saa dialysis yi mu no, mogya no fa afiri bi a ɛsɔn so yiyi mu fĩ nyinaa mu ansa na asan de aba ɔyarefo no mu.	____ Mepɛ ____ Ebia m’ani begye ho ____ Mempɛ
EPIDURAL BLOOD PATCH	Ɛma nsu a efi ehon ntini kɛse mu no gyae. Wɔde ɔyarefo no ankasa mogya kakraa bi fa paane mu de wɔ nam a ehon ntini no hyɛ mu no. Wɔde sɔw baabi a nsu a efi ehon ntini no mu fa no.	____ Mepɛ ____ Ebia m’ani begye ho ____ Mempɛ
PLASMAPHERESIS	Wɔde sa yare. Wɔtwe mogya sɔn so yi mogya mu nsu fi mu. Wɔde aduru foforo a wɔde si mogya mu nsu ananmu fra mu, na wɔsan de mogya no ma ɔyarefo no. Ebia nnuruyɛfo binom bɛpɛ sɛ wɔde onipa foforo mogya mu nsu si nea wɔayi afi ɔyarefo no mogya mu no ananmu. Sɛ saa a, ɛnsɛ sɛ Kristoni gye eyi.	____ Mepɛ ____ Ebia m’ani begye ho ____ Mempɛ
LABELING OR TAGGING	Wɔde hwehwɛ yare wɔ nipadua no mu anaa wɔde sa yare. Wɔtwe mogya de aduru fra mu, na wɔsan de ma ɔyarefo no. Sɛ wɔtwe mogya no a, ɛsono bere tenten a obiara de di ansa na wɔasan de ama no.	____ Mepɛ ____ Ebia m’ani begye ho ____ Mempɛ
PLATELET GEL; AUTOLOGOUS (ƐKYERƐ SƐ “WƆDE W’ANKASA MOGYA NA ƐYƐE”)	Wɔde fa kuru anim, ɛmma mogya ntu obi kɛse. Wɔtwe mogya de fra nnuru bi a mogya mu nkwammoaa ntrantraa ne mogya mu nkwammoaa fitaa pii wom mu. Wɔde eyi fa oprehyɛn kuru anim. Hyɛ no nsow: Ebi wɔ hɔ a, wɔde biribi a ɛma mogya da a ɛwɔ nantwi mogya mu na ɛyɛ.	____ Mepɛ ____ Ebia m’ani begye ho ____ Mempɛ

Hyɛ no nsow: Ɛsono sɛnea oduruyɛfo biara fa so de aduruyɛ mu akwan yi di dwuma. Ɛsɛ sɛ woma wo duruyɛfo kyerɛkyerɛ ɔkwan a ɔpɛ sɛ ɔfa so yɛ wo aduru no mu kyerɛ wo pefee na ama woahu sɛ ɛne Bible nnyinasosɛm ne w’ahonim hyia anaa.