Dwom 126
Adwuma Pa
Nea Yɛaprente
1. Yehowa, ɛda no ni;
Yɛde yɛn koma ba w’anim.
Woahyɛ yɛn anuonyam, woadom yɛn.
Yenhu nea yɛnka!
Adwuma pa yɛayɛ yi,
Wode wo nhyira agu so.
Ɛnnɛ yɛde yɛn nsa asi dan;
Ɛyɛ wo nhyira.
(NNYESO)
Onyankopɔn, woama yɛn hokwan
Ma yɛasi dan ama wo nnɛ.
Yɛde bɛtoa w’adwuma no so.
Yɛkamfo wo wɔ yɛn nnwuma nyinaa mu daa.
2. Ɛnnɛ yɛ anigye da.
Yɛabenya nnamfo pa bebree!
Ɛyɛ ade kɛse; ɛsom bo.
Yɛn werɛ mfi da!
Yehuu wo honhom kronkron,
Adwuma pa yɛayɛ yi so.
Yɛahyɛ wo din kronkron anuonyam.
Nhyira bɛn ni!
(NNYESO)
Onyankopɔn, woama yɛn hokwan
Ma yɛasi dan ama wo nnɛ.
Yɛde bɛtoa w’adwuma no so.
Yɛkamfo wo wɔ yɛn nnwuma nyinaa mu daa.
(Hwɛ Dw. 116:1; 147:1; Rom. 15:6 nso.)