Dwom 134
Fa W’ani Bu Wiase Foforo No
1. Wobɛkɔ bi, na mɛkɔ bi?
Yɛbɛkɔ wiase fof’ro mu anaa?
Hwɛ anigye a ɛbɛyɛ;
Asomdwoe ne ahotɔ bɛba.
Ɔbɔnefo bi remma hɔ;
Nyankopɔn renni yɛn huammɔ da.
Asase no bɛyɛ fof’ro saa b’re no.
Yebefi komam ato ayeyi dwom sɛ:
(NNYESO)
“Yɛwɔ anisɔ ma wo Yehowa!
Wo Ba no ayɛ b’ribiara fof’ro.
Yɛde koma mu anigye to dwom ma wo;
Ayeyi ne anuonyam nka wo din no daa.”
2. Fa w’ani bu, twa ho mfoni.
Fa w’adwene bu wiase fof’ro no.
Nea yebehu, nea yɛbɛte,
Remma yɛmmɔ hu na yensuro.
Ne bɔhyɛ no nyinaa ba mu;
Ne ntamadan akata yɛn so.
Obenyan awufo aba nkwa mu bio;
Yɛn nyinaa bɛbom ato ayeyi dwom sɛ:
(NNYESO)
“Yɛwɔ anisɔ ma wo Yehowa!
Wo Ba no ayɛ b’ribiara fof’ro.
Yɛde koma mu anigye to dwom ma wo;
Ayeyi ne anuonyam nka wo din no daa.”
(Hwɛ Dw. 37:10, 11; Yes. 65:17; Yoh. 5:28; 2 Pet. 3:13 nso.)