Wohwɛ a wubetumi anya anigye daa?

Nea Yɛaprente

Mfoni ahorow: Nkurɔfo bi regye wɔn ani wɔ paradise asaase so. 1. Awarefo bi nenam baabi. Baabi a wɔwɔ no, nsu retene fi mmepɔw mu. 2. Awarefo bi rehwɛ plan a wɔde besi wɔn dan. 3. Ɔbea bi kura atosode wɔ adaka bi mu. 4. Ɔbaatan bi ne ne ba ne ɔtwe bi redi agorɔ. Agya bi ne ne ba rebɔ nkɔmmɔ.

Wobɛka sɛ . . .

aane?
daabi?
ebia?

NEA BIBLE AKA

“Atreneefo na asaase no bɛyɛ wɔn dea, na wɔbɛtena so daa.”—DWOM 37:29.

SAA ASƐM YI KYERƐ SƐN?

Ɛkyerɛ sɛ daakye wo ne w’abusuafo ne wo nnamfo asom bedwo mo, na mo ani begye.—YEREMIA 29:11.

Ɛkyerɛ sɛ, ɛnyɛ mfe kakraa bi pɛ na wode bɛtena nkwa mu. Mmom, wobɛtena ase daa.—DWOM 22:26.

NEA BIBLE AKA YI, YEBETUMI AGYE ADI ANAA?

Aane! Wopɛ sɛ wuhu nea enti a yɛreka saa a, yɛsrɛ wo hwɛ ti ahorow mmiɛnsa a ɛwɔ nhoma yi mu no, na wubehu nea enti a yebetumi agye Bible no adi. Ti ahorow no na edidi so yi:

Sɛn Na Bible Betumi Aboa Wo?
Bible Ma Yɛn Anidaso
So Wubetumi Agye Bible Mu Nsɛm Adi?