ASƐMMISA 17
Ɔkwan bɛn so na Bible betumi aboa w’abusua?
OKUNUNOM/AGYANOM
“Saa ara na ɛsɛ sɛ okununom dɔ wɔn yerenom sɛ wɔn ankasa nipadua. Nea ɔdɔ ne yere no dɔ ne ho, na onipa biara ntan n’ankasa nipadua; mmom ɔhwɛ so yiye na n’ani ku ho . . . Mo mu biara nnɔ ne yere sɛ ne ho.”
“Agyanom . . . , monnhyɛ mo mma abufuw, na mmom monkɔ so ntete wɔn Yehowa nteɛso ne ne kasakyerɛ mu.”
ƆYERENOM
“Ɔyere de, onnya obu kɛse mma ne kunu.”
“Ɔyerenom, mommrɛ mo ho ase mma mo kununom, sɛnea ɛsɔ Awurade ani.”
MMA
“Mma, muntie mo awofo asɛm sɛnea Awurade pɛ, na eyi na ɛteɛ. ‘Di wo papa ne wo maame ni’; eyi ne mmara a edi kan a bɔhyɛ yi ka ho: ‘Ebesi wo yiye, na woatena ase akyɛ wɔ asaase so.’”
“Mma, muntie mo awofo asɛm ade nyinaa mu, na eyi na ɛsɔ Awurade ani.”