Ɛboaa Me Ma Midii Subammɔne Bi So

● Afe a etwaam no, woyii Questions Young People Ask—Answers That Work, Po I no adi. Nhoma no de Mmebusɛm 24:16 a ɛka sɛ mpɛn ason na ɔtreneeni hwe ase na ɔsɔre no mu nkyerɛkyerɛmu ma wɔ kratafa 180. Eyi boaa ababaa bi ma ɔkae sɛ: “Mfonini a ɛwɔ saa kratafa no ma mihui sɛ Onyankopɔn hu nkɔso a merenya no. . . . Ɛma mihui sɛ metumi abɔ mpae afa nneɛma pɔtẽẽ ho na masrɛ Onyankopɔn sɛ ɔmmoa me ma mintumi nni sɛnea mete nka sɛ mensɛ hwee no so. Ɛbɛma matumi abɔ no mpae sɛnea ɛbɛyɛ a meremfa me ho nkɔhyɛ sɔhwɛ bi mu, na menam so adi me subammɔne so.

“Mewɔ awerɛhyem sɛ ɛmfa ho sɛ mahwe ase bɛboro mpɛn 77 wɔ mfe bi a atwam no, metumi adi me haw no so. Mente nka bio sɛ meyɛ ɔbɔnefo sen obiara.”

Wubetumi akra nhoma yi bi denam kratasin a ɛka ho yi a wobɛhyehyɛ de amena address a wɔakyerɛ wɔ ha no anaa nea ɛwɔ nsɛmma nhoma yi kratafa 5 no mu nea ɛfata so.—g12-E 06.

□ Momfa nhoma a ɛwɔ ha yi bi mmrɛ me.

□ Mesrɛ sɛ, mo ne me mmɛyɛ ofie Bible adesua a wontua hwee.