NSASE NE NNIPA

Liechtenstein Nsrahwɛ

Map bi a ɛkyerɛ sɛ Liechtenstein wɔ Switzerland ne Austria ntam

YƐKA aman nketewa a ɛwɔ wiase a, Liechtenstein ka ho bi. Ɛwɔ mmepɔw a ɛwɔ Switzerland ne Austria ntam. Mfe pii ni na Celtfo, Rhaetiafo, Romafo, ne Alemannifo atena ɔman yi mu. Ɛnnɛ, sɛ yɛkyɛ nnipa a ɛwɔ Liechtenstein man no mu mmiɛnsa a, emu mmienu yɛ Alemannifo. Wɔatena ɔman no mu bɛyɛ mfe 1,500 ni.

Kasa titiriw a wɔka no Liechtenstein man mu ne German kasa, nanso wokɔ mmeae ahorow a, ɛsono kasa a obiara ka. Wɔn aduan paa ne Tüarka-Rebel ne Käsknöpfle. Wɔde aburow na ɛyɛ Tüarka-Rebel, na Käsknöpfle nso, wɔde kyiisi ne taalia na ɛyɛ.

Aduan mmienu a Liechtensteinfo pɛ paa — *Käsknöpfle*

Maame bi ne abaayewa bi hyɛ Liechtensteinfo ntade fɛfɛ — Wɔn ntade

Nkurɔfo kɔ ɔman no mu kɔhwehwɛ mmepɔw a asukɔkyea atɔ agu so ama ayɛ fitafitaa, nsase a ɛyɛ fɛ, bobe nturo ne afifide ahorow. Afei nso nhwiren ahorow ahorow a ɛyɛ fɛ bɛyɛ 50 na ɛwɔ hɔ. Wɔwɔ baabi a wɔkora tete nneɛma so, adan akɛse a woyi sini wom ne mmeae a wɔyɛ bobesa. Eyi nti ahuhuru bere oo, awɔ bere oo, sɛ nkurɔfo redi hɔ akɔneaba ara ni.

Efi 1920 mu na Yehowa Adansefo ayɛ adwuma wɔ Liechtenstein man no mu. Seesei Yehowa Adansefo bɛyɛ 90 na ɛwɔ hɔ a wɔne nkurɔfo resua Bible.

Yehowa Adansefo ayɛ Dɛn na Bible Kyerɛkyerɛ Ankasa? nhoma no bi wɔ German kasa mu. Ɛsan wɔ www.jw.org.