Biakoyɛ a Wɔde Yɛ Onyankopɔn Adwuma

Yɛwɔ anidaso sɛ nsɛm a ɛwɔ nhomawa yi mu a ɛfa Yehowa Adansefo som adwuma, wɔn nhyiam ahorow ne wɔn ahyehyɛde no ho no bɛhyɛ wo a worekenkan no nkuran ma wode wo ho abɔ wɔn kɛse wɔ Onyankopɔn som mu. Yɛto nsa frɛ wo sɛ sua Adansefo no ho ade nea edi kan denam wo ho a wode bɛbɔ Yehowa Adansefo asafo no ho na woakɔ wɔn nhyiam ahorow no so. Eyi bɛboa wo kɛse ma woate Onyankopɔn apɛde a ɛwɔ hɔ nnɛ no ase.—Tito 2:11-14.

Bere a woma w’asetra ne Bible no gyinapɛn a ɛfa nnwuma pa ho no hyia no, wubenya hokwan ne Yehowa Adansefo anya wɔn adwuma no mu kyɛfa. Anuanom a wɔwɔ wiase nyinaa fekubɔ no mu anigye a wubenya akyi no, wubetumi ahwɛ kwan sɛ wubenya nkwa wɔ mprempren nneɛma nhyehyɛe yi awiei no mu akɔ nhyehyɛe foforo a asomdwoe ne trenee te mu no mu.—2 Petro 3:13.

[Mfonini ahorow wɔ kratafa 30, 31]

Mfonini ahorow a efi nsase ne nsupɔw bɛboro 200 a Yehowa Adansefo de biakoyɛ reyɛ Onyankopɔn apɛde wɔ so no mu 18 ni

Nigeria

Austria

Brazil

Japan

Canada

Guatemala

Argentina

Germany

Taiwan

Finland

South Africa

India

United States

Fiji

Chile

Italy

Bolivia

Philippines