“Boa Wɔn a Wɔyɛ Mmerɛw No”

1. Yɛn nyinaa wɔ mm’rɛwyɛ pii,

Ɛma yɛtɔ sin.

Nanso Yehowa dɔ yɛn,

Odwen yɛn ho pii.

Ne mmɔb’rɔhun’ dɔɔso;

Ne dɔ mu yɛ den paa.

Momma yɛnnɔ obiara,

Momma yɛmmoa wɔn.

2. Bible ka kyerɛ yɛn sɛ,

Yenhu mmɔbɔ daa.

Kristo de mogya tɔɔ yɛn,

Na yɛanya nkwagye.

Wɔn a wɔyɛ mm’rɛw no,

Nyankopɔn hyɛ wɔn den.

Enti hu wɔn mmɔbɔ daa,

Popa wɔn nusu.

3. Wɔn a wɔyɛ mmerɛw no,

Yɛbɛyɛ wɔn yie.

Yɛbɛyɛ wɔn adɔe pii

De ahyɛ wɔn den.

Momma yɛmmɔ mmɔden

Nkyekye wɔn werɛ;

Momma yɛnnɔ wɔn nyinaa

Na yɛnhyɛ wɔn den.