Kɔ Yehowa Anim Daa

1. Kɔ Yehowa anim wɔ mpaebɔ mu.

Ɛyɛ hokwan na ɔde ama yɛn.

Bue wo koma mu ma no na som no;

Nya ahotoso sɛ obetie wo.

Kɔ Yehowa anim daa.

2. Kɔ Yehowa anim wɔ mpaebɔ mu.

Fa bɔne kyɛ na srɛ bɔne faf’ri.

Ka wo bɔne kyerɛ yɛn Nyankopɔn.

Yɛn Bɔfo no nim sɛ yɛyɛ dɔte.

Kɔ Yehowa anim daa.

3. Kɔ Yehowa anim wɔ mpaebɔ mu.

Ɔyɛ yɛn Agya; ɔbɛn yɛn nyinaa.

Hwehwɛ ne bammɔ na ɔbɛboa wo.

Fa wo ho to ne so na nsuro.

Kɔ Yehowa anim daa.