Ɔfã 7 Nnianim Nsɛm

Ɔfã yi bɛka Ɔhene Saul ne Ɔhene Dawid asetena mu nsɛm. Nsɛm a yɛrebɛka yi nyinaa sisii bɛyɛ mfe 80 ntam. Mfiase no, na Saul brɛ ne ho ase, na na osuro Onyankopɔn. Nanso ankyɛ na ɔsesae. Afei de, na ontie Yehowa bio. Wei maa Yehowa poo no. Bere bi akyi no, Yehowa ka kyerɛɛ Samuel sɛ, Dawid na ɔbɛyɛ Israel hene a odi hɔ enti ɔnkɔsra no ngo. Ahoɔyaw nti, Saul bɔɔ mmɔden mpɛn pii sɛ obekum Dawid. Nanso Dawid anyɛ biribiara amfa antua no ka. Ná Saul ba Yonatan nim sɛ Yehowa na apaw Dawid, enti odii Dawid nokware, na ɔtaa n’akyi. Dawid yɛɛ bɔne ahorow bi a emu yɛ duru, nanso wampo Yehowa nteɛso da. Sɛ woyɛ ɔwofo a, boa wo ba ma onhu sɛ, ɛho hia sɛ bere nyinaa odi Yehowa nhyehyɛe akyi.