Muparadhiso Upenyu Wainga Wakadini?

Djehovha wakapasa zviro zvakawanda zvakanaka kuna Adhamu na Evha. Genesi 1:28

Djehovha wakasika mwanakadzi wokutanga, Evha, wakamupa kuna Adhamu kuti aite mukadzi wake.—Genesi 2:21, 22.

Djehovha wakaasika ne pfungwa ne muwiri zvakakwana, pasina cakashaishika.

Muzi wawo we paradhiso wainga uri munda we Edheni. Iwona wainga uri mbuto yakarungama mainga mune murambo, miti yo muchero ne zvinyama.

Djehovha waireketa nawo eciafundisa. Kudai akamupurutana, awona hingana akararama nokusikaperi Muparadhiso pasi pano.

Mwari wakati wasarhye muchero we muti umwe waco. Genesi 2:16, 17

Djehovha wakapangidza Adhamu na Evha muti umwe mumunda, akawabvunza kuti kana wakarhya muchero wacona waizofa.

Imwe ngirozi yakapandukira Mwari. Ngirozi iyi yakashata ndi Sathani Dhiyabhurosi.

Sathani wainga asikadi kuti Adhamu na Evha wateerere Djehovha. Ndiondawa, iyena wakaseenzesa nyoka kuti ibvunze Evha kuti kana akarhya muchero wo mutiwo wainga wasikazofi, asi waizoita hingana Mwari. Zviri pamhene kuti wainga ecinyepa.—Genesi 3:1-5.