NDIMA 8

Rufu ra Djesu Rinoreyei Kwauri?

Djesu wakafa kuitira kuti tirarame. Juau 3:16

Anakadzi eciringira guwa ra Djesu risisina munhu

Kapera mazuwa matatu Djesu afa, amwe anakadzi akaenda koona guwa rake wakaona musisina ciro. Djehovha wainga atomutsa Djesu.

Djesu wakadzipangidza ku afundi ake, asati akhwira ku denga

Paapaya Djesu wakadzipangidza ku apostori ake.

Djehovha wainga amutsa Djesu se cisikwa cine simba cokumudzimu cisikafi. Afundi a Djesu akamuona ecikwira kuenda kudenga.

Djehovha wakamutsa Djesu akamugadza kuti aite Mambo we Umambo hwa Mwari. Dhanieri 7:13, 14

Djesu ecitonga anhu mu Paradhiso, ari pa cigaro cake co Umambo ku denga

Djesu wakapa ndaramo yake se kuripa kuti asunungure anhu. (Mateu 20:28) Nge kusunungura kwaakaita, zvakaita kuti Mwari atipe upenyu usikaperi.

Djehovha wakagadza Djesu kuti aite Mambo wokutonga pasi rese. Iyena ucange aine 144.000 eanhu akatendeka akabva panyika anomutswa kuti araramire kudenga. Djesu ne aya ane 144.000 anoumba utongi wo kumatenga wakarurama unozwi Umambo hwa Mwari.—Zvakapangidzwa 14:1-3.

Umambo hwa Mwari ucacinja pasi rino kuti riite paradhiso. Hondo, ubhinya, urombo ne nzara hazvizoonekimozve. Anhu acange acipfara zvikuru.—Pisarema 145:16.